1 aprel - Ümumdünya Gülüş Günü

Aprelin 1-i bütün dünyada gülüş günüdür. Aprelin 1-i, eyni zamanda,  dostlara, ailəyə və iş yoldaşlarına yalan nağıllar danışaraq, onları məsxərəyə qoyaraq oyun oynamağın adət olduğu bir bayramdır. Məqsəd gülüş oyatmaq və əyləncəli atmosfer yaratmaqdır. 

1 aprelin dəqiq mənşəyi müxtəlif nəzəriyyələrlə örtülmüş bir sirr olaraq qalır. Ən məşhur versiyalardan biri 16-cı əsrdə Qriqorian təqviminə keçidlə bağlıdır. Əvvəllər bir çox Avropa ölkələrində Yeni il martın sonu - aprelin əvvəlində qeyd olunurdu. Bayram yanvarın 1-nə köçürüləndə bəzi insanlar köhnə üslubla qeyd etməyə davam etdilər. Onları “aprel axmaqları” adlandırmağa başladılar və insanlar onlara gülməli hədiyyələr verərək ələ salmağa başladılar.

Bəzi xalqlar bunu özlərinə aid edirlər. Belə ki, irlandların fikrincə, bu gün bir-birini ələ salmaq ənənəsi tanrılar tərəfindən Tias qızı - Skadeanın xatirəsinə qoyulub.

Eyni zamanda, Fransada bu ənənə 16-cı əsrdə Kral IX Çarlz tərəfindən Yeni il bayramının qeyd edilməsinin köçürülməsi ilə əlaqələndirilir. Nəticədə, tarix martın sonundan aprelin birinci gününə qədər qeyd olundu.

İtalyanlar və fransızlar əylənmək üçün bir-birinin kürəyinə kağızdan “balıq” yapışdırır, yeməklərə yanlış ədviyyatlar da əlavə edə bilirlər.

Əgər bu gün Portuqaliyaya gedirsinizsə, başdan ayağa unla örtülsəniz, təəccüblənməyin - bu, onların bu münasibətlə ənənəsidir. Bundan əlavə, dünyanın müxtəlif ölkələrinin mətbuatı bu gündə yumoristik xəbərlər dərc etməyi xoşlayır.