"Mançester Siti" 18 yaşlı PSJ U23-ün bombardirini pulsuz transferlə ala bilər
"Paris Saint-Germain" U23 komandasının 18 yaşlı hücumçusu Mamadu Sanqare İngiltərənin "Mançester Siti"sinə keçə bilər. "Citizens" gənc istedadı 2025-ci ilin yayında, PSJ ilə müqaviləsi başa çatdıqda imzalamağı planlaşdırır.
“Mançester Siti” Sanqare ilə müqavilə imzalayacaq və onu Fransanın “Troyes” komandasına icarəyə verəcək. Xatırladaq ki, Troyes, əsas klubu Mançester Siti olan City Football Group holdinqinin bir hissəsidir.
Mamadu Sanqare bu mövsüm bütün yarışlarda PSJ-nin gənclər komandalarında 11 matçda 10 qol vurub və 2 məhsuldar ötürmə verib.
