İdmançılarımız idmanın 11 növü üzrə mübarizə aparacaqlar

Serbiyada Ümumdünya Məktəbli İdman Oyunları – Gimnaziada davam edir.

Üçüncü yarış günündə Azərbaycan idmançıları idmanın 11 növündə mübarizə aparacaqlar.

Təmsilçilərimiz qılıncoynatma, qadın güləşi, şahmat, parabadminton, 3x3 basketbol, ​​üzgüçülük, para-üzgüçülük, taekvondo, stolüstü tennis, atletika və kamandan oxatma yarışlarında qüvvələrini sınayacaqlar.

Qeyd edək ki, Oyunlara aprelin 12-də yekun vurulacaq.