U-15 güləş yığmalarımız Gimnaziyadada 25 medal qazanıb 

Serbiyanın Zlatibor şəhərində 15 yaşlı yeniyetmələr (məktəblilər) arasında keçirilən Gimnaziyada İdman Oyunlarının (İSF) proqramına daxil olan idman güləşi (hər üç növ) üzrə yarışlara yekun vurulub. Qeyd edək ki, güləş yarışına 30 idmançı ilə qatılan Azərbaycan yığması çıxışını 25 (6-8-11) medalla başa vurub. Bu medallardan 10-u (2-3-5) sərbəst güləşçilərin, 9-u (3-2-4) yunan-Romaçıların, 6-sı (1-3-2) isə qızların payına düşüb.

Onu da qeyd edək ki, sərbəst güləşçilərdən Elman İsmayılov (38 kq) və İbrahim Həsənov (44 kq), klassiklərdən Hüseyn Əmrahli (38 kq), İsfahan Həsənov (75 kq) və Zöhrab Səfərov (85 kq), qızlardan isə Rəna Nuriyeva (62 kq, qadın güləşi) bütün görüşlərini qələbə ilə başa vuraraq, Gimnaziyadanın qalibi olub.

Oyunlar digər idman növləri ilə davam edir.

İNTİQAM Məmmədov