Kişi voleybolçular 19-cu tura çıxacaqlar

Bu gün kişi voleybolçulardan ibarət klubların mübarizə apardığı Azərbaycan çempionatının Yüksək Liqasında sayca 19-cu turun oyunları keçiriləcək. Turda təqvim üzrə keçirilməsi nəzərdə tutulan hər üç oyun eyni gündə baş tutacaq. Qeyd edək ki, hesabat turuna saat 15:00-da Sumqayıtdakı OİK-də yerli "Gənclər"lə "Neftçi" arasındakı qarşılaşma ilə start veriləcək. 

Saat 16:00-da isə Bakı Voleybol Mərkəzində "Xilasedici" ilə çempionatın lideri olan "Murov Az Terminal" üzləşəcək. 

Saat 18:00-dasa eyni mekanda "Azərreyl" ilə MOİK qarşılaşacaq.

Hazırda yarış cədvəlində vəziyyət belədir:

Murov Az Terminal - 44 xal, Azərreyl - 42, Xilasedici - 41, Neftçi - 26, MOİK - 8, Gənclər - 1 xal.

İNTİQAM Məmmədov