Yeniyetmə cüdoçularımız AK-da 5 medal qazanıblar 

12-13 aprel günlərində Gürcüstanın paytaxtı Tiflisdə yeniyetmə oğlan və qızlar arasında cüdo güləşi üzrə Avropa Kuboku keçirilib. İki gün davam edən turnirdə Azərbaycan da daxil olmaqla 15 ölkəni təmsil edən 340 cüdoçu tatami üzərinə çıxaraq, medallar uğrunda mübarizə aparib. ACF-dan verilən məlumata görə, Azərbaycan əldə etdiyi 5 (0-1-4) medalla komanda hesabında dördüncü yeri tutub. 

Qazanılan medallara gəlincə, qızlardan Nərmin Aqamirzəzadə (44 kq) yalnız həlledici finalda büdrəyərək gümüş medal qazanıb. Həmin çəki dərəcəsində çıxış edən Leyla Ələkbərova üçüncü yeri tutub. Xədicə Abdullayeva (44 kq) isə çıxışını üçüncü yerdə bitirməklə bürünc medal qazanıb.

Daha iki bürünc medal isə Rza Xəlili (50 kq) və Zeyd Ələsgərovun aktıvinə yazılıb.

İNTİQAM Məmmədov