Məhkəmə İstanbul merinin həbsi ilə bağlı apellyasiya şikayətini rədd edib

Türkiyə məhkəməsi martın sonundan korrupsiya ittihamı ilə həbsdə olan İstanbul meri Ekrem İmamoğlu və yüksək rütbəli şəhər məmuru Murat Ongunun həbsi ilə bağlı şikayətləri rədd edib.

2019-cu ildə İstanbul mer seçkilərində mühüm qələbə qazandıqdan və keçən il yenidən bu vəzifəyə seçildikdən sonra əsas müxalifət fiqurlarından biri kimi ortaya çıxan İmamoğlu prezident Rəcəb Tayyib Ərdoğanın əsas rəqibi kimi görünür.

Mer martın 23-dən siyasi motivli hesab edilən korrupsiya ittihamı ilə istintaq təcridxanasındadır. Onun həbsi ölkədə 2013-cü ildən bəri Türkiyədə ən böyük etiraz aksiyalarına və beynəlxalq qınaqlara səbəb oldu.