Bu gün qadın voleybol klublarının mübarizə apardığı Azərbaycan çempionatının Yüksək Liqasında sayca beşinci olan növbəti turun oyunları keçiriləcək. Turda keçirilməsi nəzərdə tutulan üç oyundan ikisi Bakı Voleybol Mərkəzində, biri isə UNEC-in idman zalında baş tutacaq. Qeyd edək ki, turun mərkəzi oyunu isə 4 turdan sonra yarışa vahid liderlik edən "Azərreyl"lə cədvəldə üçüncü yeri tutan "Gəncə" arasında olacaq. Oyun Voleybol Mərkəzində saat 18:00-də başlayacaq. Bundan əvvəl isə həmin məkanda  "Murov Az Terminal"la "Abşeron" üzləşəcək (saat 16:00).

Daha bir oyunda isə UNEC öz meydanında "Milli Aviasiya Akademiyası"-ni qəbul edəcək (saat 17:00).

İNTİQAM Məmmədov