Paşinyan: Ermənistanla Azərbaycan arasında müharibə olmayacaq, sülh olacaq

Bütün daxili və xarici təxribatlara baxmayaraq, Ermənistanla Azərbaycan arasında müharibə olmayacaq, sülh olacaq.

Bunu Ermənistanın baş naziri Nikol Paşinyan deyib.

"Bu gün bizim regionumuzun dinc və firavan gələcəyinə töhfə vermək imkanımız var. Ermənistanla Azərbaycan arasında sülhün və dövlətlərarası münasibətlərin qurulmasına dair saziş layihəsi razılaşdırılıb və imzalanmağı gözləyir və biz bu yolla gedəcəyik. Regionumuz sülh və firavanlıq şəraitində yaşamaq haqqı qazanıb və belə də olmalıdır", - o deyib.

Paşinyan həmçinin “diqqəti tarixi Ermənistana deyil, real Ermənistana yönəltmək” və gələcək nəsillər üçün xoşbəxt və azad dövlət qurmaq zərurətini qeyd edib.