Ermənistanın baş naziri II Qareginin istefasını tələb edir

Ermənistanın baş naziri Nikol Paşinyan katolikos II Qaregini növbəti dəfə tənqid atəşinə tutub və onun subaylıq andını pozduğunu bildirib.

"Bu faktdır və əgər II Qaregin bunu inkar etməyə çalışsa, mən bunu lazımi formatda sübut edəcəm. Buna uyğun olaraq, Erməni Apostol Kilsəsinin (AAK) kanon qanununa görə, II Qaregin yepiskop ola və ya katolikos seçilə bilməzdi", - o, Facebook səhifəsində yazıb.

N. Paşinyanın sözlərinə görə, seçkilərə qədər bütövlüyü yoxlanılacaq və təsdiqlənəcək yeni katolikosu seçmək lazımdır.

“Mən ÜAK-ın sadiq davamçılarını patriarxal palataların azad edilməsi və əsl din xadiminin bütün ermənilərin katolikosu kimi seçilməsi gündəmi ətrafında birləşməyə çağırıram”, - Ermənistanın baş naziri qeyd edib.