İran çempionatının 17-ci turunun yerli "Persepolis" - "Traktor" matçında Tehranın stadionunda dramatik hadisələr baş verib.

Ev sahibi azarkeşlərin Təbrizdən qonaq olan azarkeşlərə qarşı təhqiramiz şüarlar səsləndirməyə başlamasından sonra tribunadakı gərgin atmosfer kütləvi iğtişaşlara çevrilib. Şifahi mübahisə qısa zamanda şiddətli qarşıdurmaya çevrilib.

Baş verən münaqişə nəticəsində 32 nəfər xəsarət alıb, həkimlər 3 azarkeşin vəziyyətini ağır qiymətləndirib. Onlar dərhal xəstəxanaya yerləşdirilib.

Bu hadisə “Traktor”un nəinki 2:0 hesabı ilə uduzduğu, həm də turnir cədvəlindəki lider mövqeyini itirdiyi oyunun acı sonu oldu. Hazırda təbrizlilər 35 xalla ikinci pillədə qərarlaşıb.