COĞRAFIYAÇI ALİM ZƏNGƏZUR HAQQINDA DANIŞIB

COĞRAFIYAÇI ALİM ZƏNGƏZUR HAQQINDA DANIŞIB

 COĞRAFIYAÇI ALİM ZƏNGƏZUR HAQQINDA DANIŞIB

 

 


 

AMEA akademik H.Ə.Əliyev adına Coğrafiya İnstitutunun Landşaftşünaslıq və landşaft planlaşdırılması şöbəsini müdiri, coğrafiya üzrə fəlsəfə doktoru, dosent Mirnuh İsmayılov “Speys” TV-də yayımlanan videoreportajın iştirakçısı olub.

Ermənilərin saxta coğrafiya yaratmaq cəhdlərindən, “coğrafi genosid”dən bəhs edən reportajda deyilir ki, xəstə təxəyyüllü erməni coğrafiyaşünaslar iddia edirlər ki, bu ərazilərdə Kiçik Qafqaz dağ silsiləsi yoxdur, “armyanskoye naqorye”, yəni erməni dağ silsiləsi var və Kiçik Qafqaz adlanan ərazi, ümumiyyətlə Zəngəzur dağ silsiləsi də daxil olmaqla, erməni dağ silsiləsinə aiddir.

Alim qeyd edib ki, ermənilərin Sünik adlandırdıqları ərazi əslində tarixən Azərbaycanın Zəngəzur mahalıdır ki, indiki Ermənistanın Qafan, Gorus, Qarakilsə (Sisian), Mehri rayonlarını əhatə edir. Ərazinin yer və çay adları da bu yerlərin Azərbaycana məxsus olduğunu bir daha təsdiq edir. Sünik sözünün mənası da türkdilli tayfanın adı ilə bağlıdır.

Tarixi sənədləri saxtalaşdıraraq yaymaqda internet resurslarından geniş istifadə etdiklərini və bunu həm də çox inandırıcı şəkildə etməyə çalışdıqlarını deyən M.İsmayılov adi adamların bu uydurmaya inana biləcəklərini vurğulayıb: “Erməni yalanlarının qarşı alınmalı, müxtəlif dillərdə tərtib olunmuş, ərazinin adlarını əks etdirən xəritələr nəşr edilərək yayılmalıdır”.

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]