Gülağa Tənha : QƏFİL GÖRÜŞ

Gülağa Tənha : QƏFİL GÖRÜŞ

 Gülağa Tənha :  QƏFİL GÖRÜŞ

 

ifa: Dilbər Dosdməmmədli

 


Yenidən görüşdük səninlə bir gün,
Üstümə ələndi xatirələrin.
Boyaboy dəyişdi sanki ömür-gün,
Gözümə çiləndi xatirələrin.
İstədik intizar başını əyə,
Bu istək önündə kövrəldik, dolduq.
Yerimiz dəyişik düşmüşdü deyə
Dinən sükut oldu, susan biz olduq.
Həsrəti yandırdıq…
Nəydi, nə sirdi;
İlkin görüşümüz yadıma düşdü.
Dodaq titrəyirdi, ürək əsirdi;
Ürkək gülüşümüz yadıma düşdü.
Düşdük xatirələr cığırına biz,
Əsdi üstümüzdən soyuq küləklər.
Güllər çiçəklədi bizdən xəbərsiz,
Rəngini dəyişdi boz biçənəklər.
Onda biləmmədik…
Yox, biləmmədik,
Taleyin, qismətin sərt sınağı var.
Onda nə biləydik bu görüşün də
Ürək gizildədən ayrılığı var.
Dayandıq enişdə… Dinən xatirə
Cavabı tapılmaz suala döndü.
Bu qəfil görüşdə deyiləsi söz
Dodaqda köz oldu… Xəyala döndü…

 


Sumqayıt, sentyabr, 1992

 

 

 

 

 

 

 

 

 

#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]