Qurtuluş Gününə həsr olunmuş yaradıcılıq sərgisi keçirildi +FOTO=24

Qurtuluş Gününə həsr olunmuş yaradıcılıq sərgisi keçirildi +FOTO=24

11 İyun Yeni Azərbaycan Partiyasının Yasamal rayon təşkilatında layihə rəhbəri və təşkilatçısı Elnurə və Aygün İsgəndərovaların olduğu 15 İyun Qurtuluş Gününə həsr olunmuş Azərbaycan Rəssamlar İttifaqının üzvü, rəssam Məlik Məmmədxanovun " Zəfərin Mübarək Azərbaycan " adlı fərdi yaradıcılıq sərgisi keçirildi.

 

 

YAP Yasamal rayon təşkilatının sədri Tağı Əhmədov diplomatik nümayəndələri qəbul etdi. Səmimi söhbət əsasında Qurtuluş günümüzün memarı ulu öndərimiz Heydər Əliyevin və zəfərimizin banisi Ali Baş Komandan İlham Əliyevin həyat fəaliyyətindən və uğurlu siyasətindən söz açdı və zəfəri özündə əks etdirən bugünkü sərginin yüksək önəm daşıdığını bildirdi.
Sərgidə rəssamın zəfərimizə həsr olunmuş iki qardaş ölkənin liderlərinin portretinin təqdimatı ilə yanaşı Azərbaycan motivləri əks olunan 25 əsəri də nümayiş olunurdu.
Öncə şəhidlərimizin əziz xatirəsi bir dəqiqəlik sükutla yad edildi.
Giriş sözü ilə sərgini layihə rəhbəri Elnurə İsgəndərova açaraq sərgi haqqında fəxri qonaqlara və media nümayəndələrinə geniş məlumat verdi. Daha sonra çıxış edənlərdən
Meksika Birləşmiş Ştatlarının Azərbaycandakı səfiri Xuan Rodrigo Labardini Flores,
KKTC Bakı təmsilçisi Növber Ferit Veçhi, "İki sahil" qəzetinin baş redaktoru Vüqar Rəhimzadə, Səfərbərlik və Hərbi Xidmətə Çağırış üzrə Dövlət Xidmətindən Kapitan Tofiq Əzizov, Professor Ənvər Həzərxanov, Xətai Sənət Mərkəzinin direktoru Zahid Əvəzov, "Bakı" Rəsm Qalereyasının direktoru Eldəniz Babayev,
279 nömrəli məktəbin direktoru Südabə Abdullayeva, Qızıl Aypara Cəmiyyətinin Kəlbəcər rayon bölməsinin sədri Gəncəli Mehdiyev,
Mədəniyyət Nazirliyinin "Mədəniyyət" qəzetinin əməkdaşı Lalə Azəri 15 İyun Qurtuluş Günü və tarixi zəfərimiz münasibəti ilə Azərbaycan xalqını və bu gözəl, əsrarəngiz əsərlərin müəllifini təbrik etdilər.
Sonda çıxış edən rəssam Məlik Məmmədxanov zəfərimizi əsərlərində əks etdirdiyi üçün özünü xöşbəxt hesab etdiyini bildirərək Türkiyə və Azərbaycan qardaşlığının daimi olmağını arzuladı. Eyni zamanda gələcək əsərlərini də Qarabağda aparılan bərpa işlərinə həsr edəcəyini bildirdi.
Layihə rəhbəri Elnurə İsgəndərova,
təşkilatçı Aygün İsgəndərova,
rəssam Məlik Məmmədxanov YAP Yasamal rayon təşkilatı adından fəxri fərmanlarla təltif olundular.

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]