Odessadakı diasporumuz beynəlxalq yarışda Azərbaycan komandasına böyük dəstək göstərib

Odessadakı diasporumuz beynəlxalq yarışda Azərbaycan komandasına böyük dəstək göstərib

Xarici ölkələrdə yaşayan soydaşlarımızın beynəlxalq turnirlərdə çıxış edən azərbaycanlı idmançıları dəstəkləməsi gözəl ənənəyə çevrilib.
 

Bu ənənə 29 iyun – 2 iyul tarixlərində Ukraynanın Koblevo şəhərində təşkil edilən yeniyetmə, gənclər və böyüklər arasında Universal döyüş növləri üzrə Dünya kuboku zamanı da nümayiş etdirilib. Universal döyüş növlərinin light və classic versiyaları üzrə 28 ölkədən 400-ə qədər idmançının iştirak etdiyi yarışda Azərbaycan yığma komandası 24 idmançı ilə təmsil olunub.
 

Yarış zamanı qalib ölkəmizin idmançılarına Dünya Universal Döyüş Federasiyasının Prezidenti Azər Həsənov, Naftalan şəhər Gənclər və İdman idarəsinin rəisi Samir Qocayev, Odessa vilayətinin Karolino–Buqaz şəhərinin deputatı Elşən Cəfərov, Odessa azərbaycanlılarının "Birlik" təşkilatının sədri Rövşən Quliyev, sədr müavini Telman Abbasov, Belqorod–Dnestrovski regional bölməsinin rəhbəri Elmar Vəliyev və digər rəsmilər böyük coşqu ilə azarkeşlik ediblər.
 

Bu diqqətdən ruhlanan Azərbaycan komandası 8 qızıl, 2 gümüş, 9 bürünc medal qazanmaqla mötəbər turnirdə II və III-cü yerləri tutublar.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]