Meksika radiosunda işğaldan azad olunmuş ərazilərimizə səfər etmiş meksikalı jurnalistin Azərbaycan səfiri ilə müsahibəsi efirə gedib - FOTO

Meksika radiosunda işğaldan azad olunmuş ərazilərimizə səfər etmiş meksikalı jurnalistin Azərbaycan səfiri ilə müsahibəsi efirə gedib - FOTO

İşğaldan azad olunmuş ərazilərimizə səfər etmiş və buradakı erməni vandalizminin canlı şahidi olmuş meksikalı jurnalist Federiko Lamontun Gəncə şəhərində olarkən ölkəmizin Meksikadakı səfiri Məmməd Talıbovla müsahibəsi Meksikanın nüfuzlu “ABC” radiosunda efirə edib.  
 

Müsahibədə ilk olaraq, Azərbaycanın ikinci ən böyük şəhəri olan və münaqişə zonasından kənarda yerləşən Gəncə əhalisinin 44 günlük müharibə zamanı erməni silahlı qüvvələri tərəfindən ballistik raket hücumlarına məruz qaldığı, bu zaman aralarında azyaşlı uşaqlar da olmaqla onlarla mülki insanın həlak olduğu, 100-ə qədər vətəndaşımızınsa yaralandığı məlumat verilib.  
 

Şuşanın Azərbaycan üçün coğrafi-siyasi və tarixi-mədəni əhəmiyyəti haqda danışan səfir, şəhərin işğaldan azad edilməsinin Azərbaycan üçün müstəsna rəmzi önəm daşıdığını söyləyib.
 

Sonra azad edilmiş ərazilərdə Ermənistan tərəfindən kütləvi minalanma aparıldığı, habelə burada mülkü yaşayış infrastrukturunun tamamilə məhv edildiyi barədə məlumat verilib, bu ərazilərdən 30 il öncə qovulmuş məcburi köçkünlərimizim öz evlərinə qayıtmalarının təmin edilməsi üçün hazırda Azərbaycan tərəfindən aparılan irimiqyaslı yenidənqurma və bərpa işləri haqda danışılıb.  
 

Müxtəlif dini inanc və etnik mənsubiyyətə aid insanların birgə, sülh içində yaşadığı yer olan Azərbaycanın öz ərazisində erməni abidələri də daxil olmaqla bütün dini-mədəni abidələri qoruyub saxladığı halda, erməni tərəfinin ötən ilədək işğalda saxladığı ərazilərdə ölkəmizə aid tarixi-mədəni və dini abidələri kütləvi şəkildə vandalizmə məruz qoyduğu bildirilib.
 

Sonda beynəlxalq ictimaiyyətin Azərbaycanın regionda davamlı sülhün əldə olunması və bölgənin bərpası istiqamətindəki səylərini dəstəkləməli, Ermənistanınsa qonşularına qarşı ərazi iddialarından əl çəkməli, Azərbaycanın ərazi bütövlüyünü tanımalı və öz xalqını sülhə hazırlamalı olduğu deyilib.  
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]