Masallıda İcma əsaslı məktəbəqədər təhsilin inkişafı mövzusunda tədbir keçirilmişdir - (AZpress.AZ-ƏLİHÜSEYN ŞÜKÜROV təqdim edir,+FOTO=15)

Masallıda “İcma əsaslı məktəbəqədər təhsilin inkişafı” mövzusunda tədbir keçirilmişdir - (AZpress.AZ-ƏLİHÜSEYN ŞÜKÜROV təqdim edir,+FOTO=15)

Masallıda “İcma əsaslı məktəbəqədər təhsilin inkişafı” mövzusunda tədbir keçirilmişdir - (AZpress.AZ-ƏLİHÜSEYN ŞÜKÜROV təqdim edir,+FOTO=15)

 

Masallı şəhər Heydər Əliyev Mərkəzində Azərbaycan Respublikasının Təhsil İnstitutunun təşkilatçılığı ilə “İcma əsaslı məktəbəqədər təhsilin inkişafı” mövzusunda tədbir keçirilmişdir.

 

Pandemiya şəraitinin tələblərinə riayət etməklə keçirilən təbirdə ARTİ-nin direktoru Rüfət Əzizov, layihənin meneceri İlahə Rəsulova, Masallı Rayon Təhsil Şöbəsinin müdiri Tariyel Əkbərov, məktəb direktorları, icma əsaslı qrupların tərbiyəçi-müəllimləri və valideynlər iştirak etmişdir.

 

Görüşdən əvvəl Ümummilli Lider Heydər Əliyevin abidəsi ziyarət olunub, önünə gül dəstələri düzülmüşdür.

 

Vətən müharibəsi şəhidlərinin xatirəsi yad edildikdən sonra Masallı Rayon Təhsil şöbəsinin müdiri Tariyel Əkbərov çıxış edərək həm respublikada, həm də rayonda təşkil olunan “İcma əsaslı məktəbəqədər təhsilin inkişafı” layihəsi barədə geniş məlumat vermişdir.

 

Sonra ARTİ-nin direktoru R.Əzizov bildirdi ki, “İcma əsaslı məktəbəqədər təhsilin inkişafı” layihəsi Avropa İttifaqının, UNİCEF-in və Heydər Əliyev Fondunun dəstəyi ilə Azərbaycan Respublikasının Təhsil İnstitutu tərəfindən icra olunur. O, qeyd etmişdir ki, layihənin əsas məqsədi icmalarda məktəbəqədər təhsilə cəlb olunmuş 3-5 yaşlı uşaqların sayının artırılması, valideynlərin məktəbəqədər təhsil xidmətlərinin monitorinqində fəal iştirakı ilə şəffaflıq, hesabatlılıq və məktəb-cəmiyyət münasibətlərini gücləndirməkdir.

 

Daha sonra ARTİ-nin meneceri İ.Rəsulova layihənin əhəmiyyətindən danışaraq icma əsaslı qruplara cəlb olunmuş uşaqların gələcəkdə daha uğurlu nəticələr göstərəcəyini, həyata keçirilən tədbirlərin ibtidai və ondan sonrakı təhsil səviyyələrində təhsilin keyfiyyətinin yaxşılaşmasına şərait yaradacağını qeyd etmişər.

 

Qarşılıqlı diskussiya şəklində davam edən görüşün sonunda iştirakçıları maraqlandıran suallar cavablandırılmış və təkliflər dinlənilmişdir.

ƏLİHÜSEYN ŞÜKÜROV.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]