Fəxrəddin Altun: "12 sentyabr demokratiyamızın qara ləkəsidir" - VİDEO

Fəxrəddin Altun: "12 sentyabr demokratiyamızın qara ləkəsidir" - VİDEO

“Millətin iradəsinə zərbə vurularaq demokratiya və insan hüquqlarının heçə sayıldığı 12 sentyabr demokratiyamızın qara ləkəsidir”.

 

 

Bu sözləri Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun 12 sentyabr dövlət çevrilişinin 41-ci ildönümü münasibətilə “Twitter” hesabından etdiyi paylaşımda qeyd edib.
 

15 iyul müqavimətinin türk millətinin bir daha 12 mart, 12 sentyabr və 28 fevral kimi iradələrini heçə sayan cəhdlərə icazə verməyəcəyini göstərdiyini vurğulayan F.Altun 12 sentyabr çevrilişi ilə bağlı bir video da paylaşıb.
 

Videoda 12 sentyabrda 650 min nəfərin saxlanıldığı, 1 milyon 683 nəfərin təqiblərə məruz qaldığı, 210 min nəfər haqqında cinayət işi açıldığı, minlərlə insanın vətəndaşlıqdan çıxarıldığı və həbsxanalarda işgəncələrə məruz qalaraq öldüyü, 50 nəfərin isə xuntaçılar tərəfindən edam edildiyi bildirilib.
 

17 yaşlı Erdal Erenin xuntaçıların qərarı ilə yaşı böyüdülərək Ankara Ulucanlar həbsxanasında edam edildiyi xatırladılan videoda “15 iyulda millətimiz yeni “12 sentyabrlara” icazə verməyəcəyini bütün dünyaya elan etmişdir. Bu gün türk milləti 12 sentyabr xuntasının qurbanlarının əziz xatirələrini qorumağa və bu torpaqları möhkəm gələcəyə hazırlamaq üçün inamla addımlamağa davam edir” -  ifadələrinə yer verilib.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]