Kiyevdə Azərbaycan və Qırğızıstan diasporlarının görüşü keçirilib

Kiyevdə Azərbaycan və Qırğızıstan diasporlarının görüşü keçirilib

Ukrayna Azərbaycanlıları Radasının (UAR) Kiyev şəhərindəki mərkəzi ofisində bu ölkədə fəaliyyət göstərən qırğız diasporunun nümayəndələri ilə görüş keçirilib.
 

Görüşdə UAR baş katibi Ceyhun Məmmədov, Qırğızıstan Ticarət və Sənaye Palatasının Ukrayna, Rumıniya, Bolqarıstan və Moldova Respublikasındakı nümayəndəsi Azamat İsmayilov, qırğız diasporunun rəhbəri Şerali Janaliev və "Amin Trading" şirkətinin qurucusu Suyunbek Mirzakanov iştirak ediblər.
 

Danışıqlar zamanı diasporlararası əlaqələrin gücləndilməsi və perspektivləri ətrafında fikir mübadiləsi aparılıb, "Fikirdə, sözdə və işdə birlik" ideyası ətrafinda türkdilli ölkələrin diasporlarının bir araya gəlməsinin, diaspor quruculuğu sahəsindəki təcrübə və imkanlar mübadiləsinin vacib olduğu vurğulanıb.
 

“Türk Şurası çərçivəsində əməkdaşlığimızı artırmalı, layihələr həyata keçirməli və bu sahədə digər ölkələrə nümunə olmalıyıq”, - deyə A.İsmayılov vurğulayıb.
 

Azərbaycanın zəfəri ilə bitən II Qarabağ müharibəsinin ildönümünün yaxınlaşdığını nəzərə çatdıran C.Məmmədov qonaqları 27 sentyabr 2021-ci il tarixində UAR-ın ofisində təşkil olunacaq fotosərgiyə dəvət edib.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]