Dəmir qanadlı şəhidin övladları DSMF direktoru ilə bir gün keçirdi +VİDEO

“Dəmir qanadlı” şəhidin övladları DSMF direktoru ilə bir gün keçirdi +VİDEO

 “Dəmir qanadlı” şəhidin övladları DSMF direktoru ilə bir gün keçirdi +VİDEO

 

Azərbaycan Televiziyası Əmək və Əhalinin Sosial Müdafiəsi Nazirliyinin birgə layihəsi olan “Tut əlimdən”in budəfəki qonağı Dövlət Sosial Müdafiə Fondunun direktoru Himalay Məmişov olub.

 

AzTV-nin Sosial media və ictimaiyyətlə əlaqələr şöbəsinin məlumatına görə, H.Məmişov İkinci Qarabağ müharibəsi şəhidi, “Dəmir qanadlı” ləqəbli pilot Ramiz Qasımovun övladları ilə bir gün keçirib.
Şəhidimizin Gülanə və Gülay adında iki qızı, Vaqif adında oğlu var.

 

DSMF direktoru bildirib ki, layihənin hər buraxılışda bir məmur şəhid övladları ilə vaxt keçirir, onların qayğıları ilə maraqlanır: “Uşaqlarla keçirdiyim gündən çox xoş təəssürat aldım. İnanıram ki, onlar da mənimlə keçirdikləri gündən zövq alıblar”.

“Tut əlimdən” bu gün – oktyabrın 7-si saat 18:30-da AzTV-də yayımlanıb.
Qeyd edək ki, layihənin məqsədi şəhid əmanətlərinin (gələcəkdə digər həssas əhali qruplarından olan azyaşlıların) daim diqqət və qayğı əhatəsində olduqlarını, bundan sonra da daim dövlətin, ümumilikdə isə cəmiyyətin dəstəyini yaxından hiss edəcəklərini vacib mesaj olaraq çatdırmaqdır.
Layihənin hər bölümündə vəzifəli yaxud ictimaiyyət tərəfindən tanınan hər hansı şəxs bir gününü şəhid övladları (7-14 yaş) ilə keçirəcək, uşaqların qayğılarını bölüşəcək, onların asudə vaxtının faydalı keçməsinə dəstək olacaq.

 

“Tut əlimdən” layihəsinin ilk buraxılışı sentyabrın 30-u yayımlanıb.
Layihənin növbəti qonağı Ailə, Qadın və Uşaq Problemləri üzrə Dövlət Komitəsinin sədri Bahar Muradova olacaq.

 

Vətən naminə canını fəda etmiş igidlərimizin uşaqlarına “Tut əlimdən” deyərək daim onların yanında olduğumuzu bir daha göstərək!
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]