"Petkim" qlobal ESG dəyərləndirilməsində 206 şirkət arasında 8-ci oldu

"Petkim" qlobal ESG dəyərləndirilməsində 206 şirkət arasında 8-ci oldu

"Ətraf mühit, Sosial və Korporativ İdarəetmə" (ESG) reytinqində dünyanın aparıcı qurumlarının müstəqil auditorları tərəfindən qiymətləndirilən  “Petkim” davamlılıq meyarları baxımından 206 şirkət arasında 8-ci yerdə qərarlaşıb.
 

Davamlı istehsalı diqqət mərkəzində saxlayan “SOCAR Türkiyə”-nin törəmə müəssisələrindən olan “Petkim” dünyanın tanınmış müstəqil auditor şirkəti “Sustainanalytics” tərəfindən hazırlanan və müxtəlif sektorların  şirkətlərini qiymətləndirən “Ətraf mühit, Sosial və İdarəetmə” (ESG) başlıqlarının risk reytinqində diqqətəlayiq nəticə əldə edib. Dünya şirkətlərin fəaliyyətlərinin ətraf mühitə, cəmiyyətə və korporativ quruluşa təsirləri üzrə qiymətləndiroldiyi ESG meyarlarında Petkim "Kommersiya məqsədli kimyəvi maddələr" kateqoriyalı risk reytinqində 206 şirkət arasında 8-ci sırada yer alaraq əhəmiyyətli bir uğura imza atıb.


Qlobal miqyaslı davamlılıq yoxlaması olan ESG araşdırmaları, şirkətlərin dünya bazarlarında maliyyə əldə etmə imkanlarının və korporativ etibarının qiymətləndirilməsində əhəmiyyətli  meyarlardan sayılır. ESG reytinqində öz kateqoriyasında dünyanın ilk 10 şirkəti arasında yer alan “Petkim”-in bu uğuru SOCAR-ən davamlılıq hədəfləri baxımından qlobal dəyərinə güclü töhfə verən bir nəticədir.  
 

“ESG REYTİNQİNDƏ GÖSTƏRİCİLƏRİMİZ DAVAMLILIĞA VERDİYİMİZ ƏHƏMİYYƏTİN SÜBUTUDUR”
 

ESG reytiniqinin nəticələrini dəyərləndirən “SOCAR Türkiyə”-nin baş direktoru Zaur Qəhrəmanov demişdir: “Davamlı istehsal Türkiyənin ən böyük sənaye holdinqi olaraq “SOCAR Türkiyə”-də həmişə diqqət mərkəzində olan bir prosesdir.  Mövcud göstəricilərimizi və mövqeyimizi davamlılığın dünya miqyasında dəyərləndirildiyi ESG reytinqi kontekstində  qiymətləndirərək özümüzü və qrupumuzdakı şirkətləri inkişaf etdirmək üçün müvafiq planlar hazırladıq. Davamlılıq göstəricisni ölçən ESG qiymətləndirməsinin əsasını təşkil edən infrastrukturların yaradılması və inkişafı ilə bağlı işimizə əvvəlcə holdinqdə başladıq və sonra bu fəaliyyətləri törəmə müəssisələrimizdə davam etdirdik. “Petkim”də əldə etdiyimiz uğurlu nəticə davamlı istehsal üçün geniş infrastruktur və inteqrasiya səylərimizin əhəmiyyətinin göstəricisidir. Bu nəticə həm də “SOCAR Türkiyə”-nin davamlılığa verdiyi əhəmiyyətin, fəaliyyət zəncirindəki bütün maraqlı tərəflərlə yanaşı sosial inkişafı da nəzərə alan və bu zəncirdə dəyər yaratmağı hədəfləyən davamlılıq yanaşmamızın sübutudur. Davamlılıq sərmayələrinə, əlavə dəyər təmin edəcək həlləri və elmi tədqiqatları davam etdirir, iş prosesində tətbiq etdiyimiz yeniliklərə əlavə olaraq, imzaladığımız beynəlxalq protokollar və iştirak etdiyimiz qlobal tədqiqatlar vasitəsilə beynəlxalq birliyin sıralarında hədəflərimizə doğru inamla irəliləyirik. Davamlı bir gələcək üçün, şirkətlərə hədəflərin daha aydın şəkildə təyin edildiyi və nəticələrin ölçülə biləcəyi bir irəliləyiş xəritəsi təqdim edən ESG qiymətləndirmələrinin aparıldığı bu dövrdə pandemiya şərtlərinə baxmayaraq, davamlılıq sərmayələrimizə davam edirik. “SOCAR Türkiyə” olaraq fəaliyyətimizin iqtisadi, sosial və ekoloji ölçülərini nəzərə alaraq, davamlı gələcək üçün dəyər yaratmaq həmişə dəyişməz fəlsəfəmiz olacaq. ”
 

Qeyd edək ki, “Sustainalytics” şirkəti 25 ildən çoxdur, investorlar və şirkətlər üçün yüksək keyfiyyətli, analitik ekoloji, sosial və idarəetmə (ESG) araşdırmaları, korporativ idarəetmə xidmətləri və risk reytinqlərini həyata keçirir, həmçinin onlara investisiya strategiyalarının hazırlanmasında və tətbiqində dəstək verir. Bu gün şirkət dünyanın yüzlərlə aparıcı fondu və aktiv meneceri ilə əməkdaşlıq edir. “Sustainalytics” özünəməxsus metriklərdən (ölçmə üsullarından) istifadə edir, şirkətlərlə birbaşa əlaqə yaradır, bu da əks əlaqə əldə etmək və ESG məsələləri ilə əlaqədar şəffaflığı qiymətləndirmək üçün daha geniş imkanlar açır. ESG Risk Reytinqləri hər hansı şirkətin sektor daxilində əhəmiyyətli risklərə məruz qalmasını və bu riskləri nə dərəcədə idarə etməsini qiymətləndirir.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]