Milli Məclisin sədri Sahibə Qafarova İsveçrə Konfederasiyası Federal Assambleyası Milli Şurasının sədri ilə görüşüb

Milli Məclisin sədri Sahibə Qafarova İsveçrə Konfederasiyası Federal Assambleyası Milli Şurasının sədri ilə görüşüb

Oktyabrın 21-də Milli Məclisin sədri Sahibə Qafarova Yunanıstana işgüzar səfəri çərçivəsində İsveçrə Konfederasiyası Federal Assambleyası Milli Şurasının sədri Andreas Aebi ilə görüşüb.


Görüşdə ölkələrimiz arasında münasibətlərin müxtəlif istiqamətlərdə uğurla inkişaf etdiyi vurğulanıb. Siyasi sahədə mövcud olan yüksək səviyyəli əməkdaşlığın iqtisadi sahədə əlaqələrin inkişafına da müsbət töhfə verdiyi qeyd olunub.


Söhbətdə Azərbaycanla İsveçrə Konfederasiyası  arasında əlaqələrin inkişafında qanunverici orqanların rolu vurğulanıb, o cümlədən dostluq qrupların müsbət fəaliyyəti qeyd olunub. Bildirilib ki, qanunverici orqanlar arasında əməkdaşlığın daha da genişləndirilməsi üçün qarşılıqlı səfərlər və fikir mübadiləsi əhəmiyyətlidir.


Görüşdə ikitərəfli və çoxtərəfli formatda əməkdaşlığın perspektivləri və tərəfləri maraqlandıran digər məsələlər barədə danışılıb.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]