Azərbaycan Uşaqlarının V Ümumrespublika Forumu keçirilib +FOTO=34

Azərbaycan Uşaqlarının V Ümumrespublika Forumu keçirilib +FOTO=34

Azərbaycan Uşaqlarının V Ümumrespublika Forumu keçirilib +FOTO=34

 

Tədbir Azərbaycan Respublikasının Dövlət Himninin səsləndirilməsi ilə başlayıb. Sonra uşaqların ifasında Zəfər bədii kompozisiyası təqdim edilib.

 

Ardınca Vətənimizin azadlığı uğrunda qəhrəmancasına həlak olmuş şəhidlərimizin əziz xatirəsi bir dəqiqəlik sükutla yad edilib.

 

Daha sonra Forumun seçim mərhələlərini, hazırlıq prosesində həyata keçirilən tədbirləri özündə əks etdirən video-çarx və ardınca dövlət uşaq siyasəti haqqında film nümayiş etdirilib.

 

Tədbirin davamında Prezident Administrasiyasının Humanitar siyasət, diaspora, multikulturalizm və dini məsələlər şöbəsinin müdiri Fərəh Əliyeva Prezident cənab İlham Əliyevin Forum iştirakçılarına təbrik məktubunu oxuyub.

 

Ailə, Qadın və Uşaq Problemləri üzrə Dövlət Komitəsinin sədri Bahar Muradova Forum iştirakçılarını və qonaqları salamlayaraq, təbrikinə görə cənab Prezidentə təşəkkür edib, onun qarşıya qoyduğu bütün tapşırıqlarının ardıcıl olaraq yerinə yetiriləciyini bildirib. O, əvvəlkilərdən fərqli bir ab-havada, Zəfər sevinci, qürur və fərəh dolu hisslərlə 4 ildən sonra yenidən keçirilən bu respublika əhəmiyyətli tədbirin baş tutması münasibətilə uşaqları təbrik edib. Zəfəri bizə yaşadan Müzəffər Ali Baş Komandan İlham Əliyev və Azərbaycan ordusunun qəhrəman əsgərlərinə təşəkkür edib, şəhidlərin müqəddəs ruhuna rəhmət, qazilərə şəfa diləyib.

 

Azərbaycanda uşaq hüquqlarının müdafiəsi istiqamətində güclü qanunvericilik bazasının olduğunu və daim təkmilləşdirildiyi, qalib ölkənin övladlarının hərtərəfli inkişafı, vətənpərvər şəxsiyyət kimi formalaşması üçün hər bir şəraitin yaradıldığı vurğulanıb.

 

Müstəqilliyimizin və dövlətçiliyimizin xilaskarı, uşaqların sevimlisi olan ümummilli lider Heydər Əliyev tərəfindən 1990-cı illərdə əsası qoyulan uşaq siyasətinin bu gün çox böyük uğurla davam etdirildiyi, həyata keçirilən bütün proqram və layihələrin uşaqların həyat səviyyəsinin yüksəldilməsinə yönəldiyi qeyd edilib.

 

Bahar Muradova uşaq hüquqlarının qorunması və təmini, uşaqlarla bağlı siyasi və hüquqi qərarların qəbulu, qanunvericiliyin təkmilləşdirilməsi, dövlət proqramları və fəaliyyət planlarının hazırlanmasında uşaqların fikirlərinin nəzərə alınması, eyni zamanda, onların əsas maraqlarının qorunması, uşaq iştirakçılığının təmin edilməsi baxımından ümumrespublika forumlarının çox vacib platformaya çevrildiyini bildirib. Ötən Forumun əsas müzakirə mövzularından birinin Ermənistanın təcavüzkar siyasəti nəticəsində hüquqları pozulmuş, öz torpaqlarından didərgin düşmüş uşaqlar, onların problemləri olduğunu vurğulayan Komitə sədri, hazırda keçmiş köçkün olan bu ailələrin öz yurd-yuvalarına qayıtması məsələsinin dövlət siyasətinin prioritet istiqaməti olduğunu diqqətə çatdırıb.
Dövlət Komitəsi olaraq müvafiq dövlət orqanları, vətəndaş cəmiyyəti qurumları ilə həm Birinci Qarabağ müharibəsi, həm də 44 günlük Vətən müharibəsi zamanı mülki əhaliyə qarşı yönələn erməni terrorundan zərər çəkmiş uşaq və ailələrlə aparılan psixo-sosial işlərin davam etdirildiyi bildirilib.
“Regional İnkişaf” İctimai Birliyinin Beynəlxalq əməkdaşlıq şöbəsinin müdiri Leyla Tağıyeva çıxışında uşaq hüquqlarının təmin olunmasının ölkəmizdə həyata keçirilən dövlət siyasətinin prioritet istiqamətlərindən biri olduğunu bildirib. Heydər Əliyev Fondunun və “Regional İnkişaf” İctimai Birliyinin cəmiyyətin sosial, ictimai və mədəni inkişafı sahəsində dövlətin həyata keçirdiyi tədbirlərə daim dəstək verdiyini, xüsusi qayğıya ehtiyacı olan, həssas təbəqədən olan uşaqların həyat şəraitinin yüksəldilməsi istiqamətində müxtəlif layihələrin həyata keçirildiyini vurğulayıb. O, cəmiyyətin gələcəyi haqqında düşünən vətənpərvər gənclərin yetişdirilməsi, onlar üçün keyfiyyətli həyat standartlarının təmin olunması, uşaq hüquqlarının müdafiəsi ilə bağlı maarifləndirmə işinin aparılması, bu sahədə uşaqların fəal iştirakçılığının təşkili baxımından Uşaq Forumunun müstəsna əhəmiyyətə malik olduğunu diqqətə çatdırıb.

 

Azərbaycan uşaqları ilə birgə olmaqdan xoşbəxtlik duyduğunu söyləyən UNİCEF-in Azərbaycan nümayəndəliyi rəhbərinin müavini Min Yuan, uzun məhdudiyyətlərdən sonra və Dünya Uşaq Günü ərəfəsində keçirilən bu vacib tədbir münasibətilə hər kəsi təbrik edib. Azərbaycan hökumətinin uşaq hüquqlarının təmin olunması istiqamətində həyata keçirdiyi tədbirləri yüksək qiymətləndirən xanım Yuan, bu gün uşaqlara yatırılan sərmayənin Azərbaycanın gələcəyinə yatırılan sərmayə olduğunu vurğulayıb. O, həm Azərbaycanda, həm də bütün dünyada uşaqların potensialının inkişaf etdirilməsi, hər bir uşaq üçün daha yaxşı gələcəyin təmin olunması istiqamətində səyləri birləşdirməyin vacibliyini qeyd edib.

 

Ailə, Qadın və Uşaq Problemləri üzrə Dövlət Komitəsinin sədri Bahar Muradova, təhsil naziri Emin Əmrullayev, səhiyyə nazirinin müavini Rahim Əliyev, əmək və əhalinin sosial müdafiəsi nazirinin müavini Hidayət Abdullayev, İnsan Hüquqları üzrə Müvəkkil (Ombudsman) Səbinə Əliyeva, rəqəmsal inkişaf və nəqliyyat nazirinin müavini Rövşən Rüstəmov, gənclər və idman nazirinin müavini İntiqam Babayev uşaqların müxtəlif mövzularda olan suallarını cavablandırıblar. Tədbir diskussiya ilə davam edib.

 

Müzakirələr bitdikdən sonra Azərbaycan uşaqları adından Prezident cənab İlham Əliyevə hörmət, ehtiram və minnətdarlıq duyğularını ifadə etmək məqsədilə təqdim ediləcək “Xarıbülbül” rəsm kompozisiyasının hazırlanma prosesinin video-çarxı nümayiş etdirilib. Kompozisiyanın müəllifi respublikanın müxtəlif regionlarından olan uşaqlar və Dövlət Rəssamlıq Akademiyasının əməkdaşı, rəssam Nadir Cəfərovdur.

 

Forumun davamında Türkiyə Cümhuriyyətində keçirilən 22-ci Ulusal Çocuk Forumu iştirakçıları ilə virtual-körpü yaradılmaqla uşaqlar ürək sözlərini və təbriklərini qardaş ölkənin uşaqlarına çatdırıblar.

X X X 

 

Ölkədə vahid dövlət uşaq siyasətini həyata keçirən dövlət qurumu kimi Ailə, Qadın və Uşaq Problemləri üzrə Dövlət Komitəsi mütəmadi olaraq, müxtəlif layihələr həyata keçirir. Uşaqların ictimai fəallığının artırılması və dövlət siyasətinin həyata keçirilməsində onların aktiv iştirakının təmin edilməsi məqsədilə Komitə, UNİCEF və Heydər Əliyev Fondu ilə əməkdaşlıq çərçivəsində 2009-cu ildən etibarən dörd Ümumrespublika Uşaq Forumu keçirib.

 

Forumlara respublikanın bütün şəhər və rayonlarından fəallığı, xüsusi bacarıq və istedadları ilə seçilən, liderlik keyfiyyətlərinə sahib olan yüzlərlə uşaq qatılıb. Valideyn himayəsindən məhrum, sağlamlıq imkanları məhdud, həssas təbəqədən, eləcə də digər millətlərdən olan uşaqların, xüsusilə də qaçqın və məcburi köçkün, şəhid və qazi ailələrinin övladlarının iştirakına xüsusi önəm verilib.

 

4 il fasilədən sonra bu il noyabrın 18-ində keçirilən Azərbaycan Uşaqlarının V Ümumrespublika Forumu əvvəlkilərdən fərqli bir ab-havada, Zəfər sevinci, qürur və fərəh dolu hisslərlə baş tutub. Bu respublika əhəmiyyətli tədbir Ailə, Qadın və Uşaq Problemləri üzrə Dövlət Komitəsi, UNİCEF-in Azərbaycandakı Nümayəndəliyi və “Regional İnkişaf” İctimai Birliyinin (RİİB) birgə əməkdaşlığı çərçivəsində keçirilib.
Forumun işinə 1 iyun 2021-ci il tarixində Uşaqların Beynəlxalq Müdafiəsi Gününə həsr olunmuş “Mənim səsim- mənim hüquqlarım” adlı dəyirmi masada start verilib və Foruma hazırlıq prosesi, eləcə də seçim mərhələsi başlayıb.

 

Respublikanın bütün şəhər və rayonlarını əhatə edən seçimlərdə fəallığı və istedadı ilə seçilən uşaqlar iştirak edib. Seçim turları oktyabrın 16-da yekunlaşıb və 300 uşaq Forumda iştirak hüququ qazanıb.
Uşaqların Foruma hazırlığı, onlarda liderlik keyfiyyətlərinin inkişaf etdirilməsi məqsədilə 30 avqust 2021-ci il tarixində “Lider olmaq istəyirəm!” adlı 10 günlük yay məktəbinə start verilib.

 

İki həftə davam edən yay məktəbində şəhid və qazi övladları daxil olmaqla Foruma seçilən namizədlər, Uşaq Səfirlər Məclisi üzvləri iştirak edib. Müxtəlif təlimçi və ekspertlərin iştirakı ilə təlimlər, ustad dərsləri, tanınmış şəxslərlə görüşlər keçirilib.

 

Yay məktəbi uşaqların bilik və bacarıqlarını inkişaf etdirmək, fikir mübadiləsi aparmaq, problem və uğurlarından danışmaq üçün gözəl bir platforma rolunu oynayıb.

 

Yay məktəbi bitdikdən sonra uşaqların dövlət qurumlarının rəhbərləri ilə görüşləri keçirilib. Görüşlərdə uşaqları maraqlandıran suallar cavablandırılıb, milli-mənəvi dəyərlər, peşə seçimi, uğur qazanmağın yolları və digər mövzularda maraqlı müzakirələr aparılıb.

 

Foruma hazırlıq mərhələsində həyata keçirilən bu tədbirlərin uşaqların Forum zamanı təklif və tövsiyələrini səsləndirməsi, diskussiya aparması, müraciətlərini hazırlaması baxımından mühüm rolu olub.

 

 

İki hissədən ibarət olan Forumun rəsmi hissəsi Azərbaycan Respublikasının Dövlət Himninin səsləndirilməsi ilə başlayıb. Sonra uşaqların ifasında “Zəfər” bədii kompozisiyası təqdim edilib.
Ardınca Vətənimizin azadlığı uğrunda qəhrəmancasına həlak olmuş şəhidlərimizin əziz xatirəsi bir dəqiqəlik sükutla yad edilib.

 

Tədbirin davamında Prezident Administrasiyasının Humanitar siyasət, diaspora, multikulturalizm və dini məsələlər şöbəsinin müdiri Fərəh Əliyeva Prezident cənab İlham Əliyevin Forum iştirakçılarına təbrik məktubunu oxuyub.

 

Daha sonra Forumun seçim mərhələlərini, hazırlıq prosesində həyata keçirilən tədbirləri özündə əks etdirən video-çarx və ardınca dövlət uşaq siyasəti haqqında film nümayiş etdirilib.
Dövlət uşaq siyasəti haqqında filmin nümayişindən sonra Dövlət Komitəsinin sədri Bahar Muradova, “Regional İnkişaf” İctimai Birliyinin Beynəlxalq əməkdaşlıq şöbəsinin müdiri Leyla Tağıyeva, UNİCEF-in Azərbaycan nümayəndəliyi rəhbərinin müavini Min Yuan çıxış edərək Forum iştirakçılarını və qonaqları salamlayaraq, uşaqları bu əlamətdar gün münasibətilə təbrik ediblər.

 

Çıxışlardan sonra dövlət rəsmiləri ilə forum iştirakçıları arasında 7 mövzu üzrə müzakirə aparılıb.
Müzakirə zamanı Dövlət Komitəsinin sədri Bahar Muradova, təhsil naziri Emin Əmrullayev, səhiyyə nazirinin müavini Rahim Əliyev, əmək və əhalinin sosial müdafiəsi nazirinin müavini Hidayət Abdullayev, İnsan Hüquqları üzrə Müvəkkil (Ombudsman) Səbinə Əliyeva, Milli Məclisin Ailə, qadın və uşaq məsələləri komitəsinin sədri Hicran Hüseynova, rəqəmsal inkişaf və nəqliyyat nazirinin müavini Rövşən Rüstəmov, gənclər və idman nazirinin müavini İntiqam Babayev uşaqların müxtəlif mövzularda olan suallarını cavablandırıblar. Tədbir diskussiya ilə davam edib.

 

Müzakirələr bitdikdən sonra Azərbaycan uşaqları adından Prezident cənab İlham Əliyevə hörmət, ehtiram və minnətdarlıq duyğularını ifadə etmək məqsədilə təqdim ediləcək “Şanlı Zəfər” rəsm kompozisiyasının hazırlanma prosesinin video-çarxı nümayiş etdirilib. Kompozisiya respublikanın müxtəlif regionlarından olan uşaqlar və Dövlət Rəssamlıq Akademiyasının əməkdaşı, rəssam Nadir Cəfərov tərəfindən ərsəyə gətirilib.

 

Forumun davamında Türkiyə Cümhuriyyətində keçirilən 22-ci Ulusal Çocuk Forumu iştirakçıları ilə virtual-körpü yaradılmaqla uşaqlar qarşılıqlı ürək sözlərini və təbriklərini çatdırıblar.

 

İkinci hissədə “Uşaq hüquqları: inkişaf üçün birləşək”, “Təhsildə yeni standartlar: çağırışlar və bərabər imkanlar”, “Uşaqların internet təhlükəsizliyi”, “Sağlamlığın qorunması, sağlam həyat tərzi. Ətraf mühitin mühafizəsi”, “Asudə vaxtın səmərəli təşkili və dəyərləndirilməsi”, “Uşaqların şəxsiyyət kimi formalaşmasında ailə və cəmiyyətin rolu və məsuliyyəti”, “Vətəni sevək, ona layiq olaq.” adlı 7 müxtəlif mövzular üzrə ayrılan qruplarda ekspertlərin təlimlərindən sonra uşaqlar tərəfindən müzakirələr aparılıb, təqdimatlar hazırlanıb. Daha sonra uşaqlar təqdimatlarla çıxış ediblər.

 

Dövlət Komitəsinin sədri Bahar Muradova çıxış edərək, Forum iştirakçılarının fikir və təkliflərinə münasibət bildirib, uşaqların qeyd etdiyi məqamların dövlət qurumlarının gələcək fəaliyyətində nəzərə alınacağına inamını ifadə edib. O, çıxışının sonunda uşaqlara təbrik və arzularını çatdırıb.
Daha sonra, Forumun Əlaqələndirmə Şurasının yeni tərkibini təşkil edən üzvlərin adları səsləndirilib.

 

Ardınca, Azərbaycan uşaqları adından silahlı münaqişələrdən əziyyət çəkən uşaqların hüquqlarının müdafiəsi ilə bağlı dünya ictimaiyyəti, beynəlxalq təşkilatlara müraciət təqdim olunub və V Forumun Bəyannaməsinin mətni oxunub.

 

Sonda Forum iştirakçıları adından Azərbaycan Respublikasının Prezidenti cənab İlham Əliyevə müraciət səsləndirilib.

 

Qeyd edək ki, Forumun işinə start verildiyi gündən bir il ərzində bütün mərhələlərdə proseslərə ümumilikdə 2000 uşaq cəlb olunub. 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]