AzTV-dən İLK – Pakistan televiziyası ilə ortaq yayım olacaq +VİDEO

AzTV-dən İLK – Pakistan televiziyası ilə ortaq yayım olacaq +VİDEO

AzTV-dən İLK – Pakistan televiziyası ilə ortaq yayım olacaq +VİDEO 

 

AzTV Azərbaycan televiziya məkanında daha bir ilkə imza atacaq.

 

TV-nin Sosial media və ictimaiyyətlə əlaqələr şöbəsinin məlumatına görə, bu gün AzTV Pakistan televiziyası ilə ortaq yayıma çıxacaq.

 

Söhbət Pakistanın nüfuzlu “BOL” Media Qrupundan gedir. Bu gün saat 21:30-da AzTV-nin “Əsas məsələ” tok-şousu “BOL” televiziya kanalı ilə ortaq yayımlanacaq.

 

Verilişdə Azərbaycan tərəfdən Azərbaycan-Pakistan parlamentlərarası əlaqələr üzrə işçi qrupun rəhbəri Qənirə Paşayeva, Beynəlxalq Münasibətlərin Təhlili Mərkəzinin şöbə müdiri Cavid Vəliyev, Pakistan tərəfdən isə “BOL” Media Qrupunun prezidenti, tanınmış siyasi ekspert Syed Sabez Ali və “BOL”un baş redaktoru, politoloq Əmir Ziya müzakirələr aparacaqlar.

 

 

Pakistan və Azərbaycan tamaşaçıları üçün nəzərdə tutulmuş ortaq yayımda qardaş ölkələrin yüksək səviyyəli əməkdaşlığından, dünyaya nümunə olan dostluğundan, tarixi Bakı Bəyannaməsindən, Heydər Əliyev Fondunun Azərbaycan-Pakistan münasibətlərinə töhfəsindən söz açılacaq.
Ortaq yayımın moderatoru aparıcı Elnar Məmmədli olacaq.

 

Məlumat üçün bildirək ki, AzTV ilə Pakistanın sözügedən TV kanalı arasında bir müddətdir əlaqələr qurulub. “BOL” TV Vətən müharibəsi zamanı Azərbaycana ciddi informasiya dəstəyi verib. Bu gün də Azərbaycanın haqq səsinin dünyaya çatdırılmasında mühüm rol oynayır.
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]