İsmayıllı Dövlət Humanitar və Texnologiyalar Kollecinin şəhid tələbələrinin xatirəsinə inşa edilmiş abidə-kompleksin açılışı olub - FOTO

İsmayıllı Dövlət Humanitar və Texnologiyalar Kollecinin şəhid tələbələrinin xatirəsinə inşa edilmiş abidə-kompleksin açılışı olub - FOTO

Açılış mərasimində Rayon İcra Hakimiyyətinin başçısı, RİH-in məsul əməkdaşları, hüquq-mühafizə orqanlarının rəhbərləri, şəhid ailələri, müharibə iştirakçıları, İDHTK-in  müəllim və tələbə kollektivi iştirak edib.


Tədbir Dövlət Himninin səsləndirilməsi ilə başlanılıb, vətənimizin bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib. Daha sonra  İDHTK-in şəhid məzunları Əliyev Fərid Hamlet oğlu, Həmidov Rəhim Etibar oğlu və Lətifli Orxan Xancan oğlunun xatirəsinə inşa edilmiş abidə-kompleksin açılışı olub, abidə önünə əklil və  gül dəstələri düzülüb.


Tədbirdə çıxış edən rayon rəhbəri 44 günlük Vətən müharibəsində qazanılan şanlı qələbədən, döyüşlərdə şəhid olan kollec məzunlarının qəhrəmanlığından danışıb.


Rayon rəhbəri abidənin inşasında əməyi keçən hər kəsə təşəkkürünü bildirib.


Çıxış edən şəhidlərin valideynləri Azərbaycan ordusunun qüdrətindən, hərbçilərimizin döyüşlərdə göstərdikləri qəhrəmanlıqlardan, xalqla ordunun birliyindən bəhs ediblər. Sonra tələbələrin ifasında Vətənə, ordumuza, şəhidlərimizə həsr olunan şeirlər səsləndirilib.


Daha sonra şəhid məzunların adı verilən sinif otaqlarına baxış keçirilib.


İsmayıllı Dövlət Humanitar və Texnologiyalar Kolleci tərəfindən şəhidlərin valdeyinlərinə təşəkkürnamə təqdim edilib.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]