Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib

Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib

Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib 

 

Yanvarın ayının 28-də, AMEA N.Tusi adına Şamaxı Astrofizika Rəsədxanasının Gənc Alim və Mütəxəssislər Şurasının növbəti astroseminarı keçirilib.

 

Seminara rəhbərlik edən astronomiya üzrə fəlsəfə doktoru Günel Bahəddinova seminarı giriş sözü ilə açaraq, tədbir iştirakçılarını salamlayıb və onlara məruzənin mövzusu haqqında məlumat verib.

 

Daha sonra Şamaxı Astrofizika Rəsədxanasının “Ulduz atmosferləri fizikası və maqnetizm” şöbəsinin elmi işçisi Günay Hacıyeva “HD164613(F2II) ulduzunun fundamental parametrləri” mövzusunda məruzə ilə çıxış edib.

 

İşdə model və parallaksın tətbiqi üsulu ilə HD164613 nəhəng ulduzunun atmosferi tədqiq olunmuşdur. [c1], b, Q fotometrik kəmiyyətlərinin və hidrogenin Balmer seriyasının spektral xətlərinin ekvivalent enlərinin müşahidə və nəzəri hesablanmış qiymətlərinin müqayisəsi və parallaksın tətbiqi əsasında ulduzun effektiv temperaturı Teff =6800 K və səthində ağırlıq qüvvəsinin təcili g=2.6 təyin edilmişdir. FeII xətləri əsasında mikroturbulentlik ξt=3 km/san və metallıq log ϵ (Fe) =7.36±0.12 təyin edilmişdir. Aşkar edilmişdir ki, ağırlıq qüvvəsinin təcili g kiçikdirsə mikroturbulent hərəkət sürəti ξt böyükdür.

 

Ulduzun spektrləri AMEA ŞAR-nın 2 metrlik teleskopunda CCD matrisalı spektroqraf ilə alınmışdır (R=56000, S/N=150-400). Spektrlər DECH proqramı ilə işlənmiş, spektral xətlərin ekvivalent enləri ölçülmüşdür.

 

Tədqiqat işinin nəticəsi olaraq müəyyən edilmişdir ki, ulduzun atmosferində metallıq Günəşdəki metallığa yaxındır. Bu isə onu göstərir ki, tədqiq edilən ulduz və Günəş eyni metallıqlı maddədən yaranmışdır. Bu nəticə, ulduzların kimyəvi təkamül nəzəriyyəsi baxımından əhəmiyyətli nəticədir.

 

Seminar iştirakçılarının marağına səbəb olan məruzənin sonunda mövzu ətrafında geniş müzakirələr aparılıb, suallar cavablandırılıb.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]