Bəsti Bağırova küçəsi müasir şəhərsalma qaydalarına uyğun təmir edilib (+FOTO=18, +VİDEO)

Bəsti Bağırova küçəsi müasir şəhərsalma qaydalarına uyğun təmir edilib (+FOTO=18, +VİDEO)

Bəsti Bağırova küçəsi müasir şəhərsalma qaydalarına uyğun təmir edilib 

 

Vətəndaşların rahat gediş-gəlişinin təmin olunması istiqamətində dövlət başçısının tapşırığına uyğun olaraq, Azərbaycan Avtomobil Yolları Dövlət Agentliyi tərəfindən Yasamal rayonu Bəsti Bağırova küçəsi müasir şəhərsalma qaydalarına uyğun əsaslı şəkildə təmir edilib.

 

Bəsti Bağırova küçəsinin uzunluğu 450 metr, eni isə hərəkət hissəsi 7 metr olmaqla 12 metr təşkil edir.

 

lkin mərhələdə aidiyyəti qurumlarla koordinasiyalı şəkildə fəaliyyət nəticəsində küçə boyu kommunikasiya xətlərinin yenilənməsi işləri icra olunub.

 

Bakı Nəqliyyat Agentliyinin təqdim etdiyi layihəsi əsasında Azərbaycan Avtomobil Yolları Dövlət Agentliyi tərəfindən aparılan təmir işlər zamanı küçənin köhnə asfalt-beton örtüyünün üst qatı frezlənərək kənara daşınıb, 6000 kv.m sahədə hərəkət hissədə asfaltlanma işləri icra olunub.

 

Əsaslı təmir zamanı yararsız səki daşları sökülərək 1580 p/metr uzunluğunda yeni betonmərmər səki daşları ilə əvəz edilib, 130 p/metr bardür bərpa olunub, 4731 kv.metr sahədə isə yeni piyada səkiləri yaradılıb, həmçinin zəruri yerlərdə xüsusi qabarıq formalı eyni səviyyəli piyada keçidləri təşkil edilib. Sadalanan işlər küçə boyu piyadaların rahat və təhlükəsiz hərəkətini təmin edib.

 

Avtonəqliyyat vasitələrinin rahat və maneəsiz hərəkətinin təşkili üçün küçədə əlilliyi olan şəxslər də nəzərə alınmaqla xüsusi parklanma yerləri təşkil edilib, taksi duracaqları yaradılıb, yolcizgiyolgöstərici xətlərin çəkilişi işləri icra olunub.

 

Bu işlərə paralel olaraq səth sularının normal kənarlaşdırılmasını təmin etmək məqsədi ilə yağış-kanalizasiya sistemi bərpa olunaraq işlək vəziyyətə salınıb, küçə boyu yeni yağış barmaqlıqları, həmçinin yeraltı kommunikasiya xətlərinin dəmir-beton plitələri qaldırılaraq yeni baxış qapaqları qoyulub.

 

Təqdim edilmiş layihə əsasında, Azərbaycan Avtomobil Yolları Dövlət Agentliyi tərəfindən “İnşaat Norma və Qaydaları”na uyğun şəkildə aparılmış təmir işləri heç şübhəsiz ki, həm sürücülərin, həm də piyadaların ürəyincə olacaq.

 

Əsaslı təmir işləri mərhələli şəkildə 462 metr uzunluğa malik Məhəmməd Naxçıvani küçəsində, həmçinin Bəsti Bağırova Məhəmməd Naxçıvani küçələri ilə kəsişən Giləzi (110m), Murtuza Muxtarov (329m), Cabbar Qaryağdıoğlu (188m), Mirzə Fətəli Axundov (119) və Mustafa Sübhi (119m) küçələrində də aparılacaq.

 

Xatırladaq ki, Azərbaycan Avtomobil Yolları Dövlət Agentliyi tərəfindən İnvestisiya Proqramları çərçivəsində son 3 il ərzində Yasamal rayonu ərazisində 20 km-dən çox uzunluğa malik küçə əsaslı şəkildə təmir edilib.

YOLUNUZ AÇIQ OLSUN...

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]