İtkin düşən Natiq Qasımovun hekayəsi Park Cinema-nın ekranlarında!

İtkin düşən Natiq Qasımovun hekayəsi Park Cinema-nın ekranlarında!

Bilet satışından əldə edilən bütün gəlir YAŞAT Fonduna gedəcək


Birinci Qarabağ müharibəsində itkin düşən Azərbaycan əsgərlərindən biri də 19 yaşlı könüllü Natiq Qasımovdur. 1992-ci ildə Strateji əhəmiyyətli kilsəni düşməndən təkbaşına müdafiə edən Qasımov əsirlikdə olan Azərbaycan əsgərlərinin azad edilməsi müqabilində təslim oldu. Sonra o, Rusiya nəşrlərindən birinə materiallar hazırlayan jurnalist Enriko Sarsinin iştirakı ilə erməni əsgərləri tərəfindən dindirilib. Bu dindirmədən sonra Qasımovun taleyi ilə bağlı heç nə məlum deyil.


Martın 1-dən Park Cinema şəbəkəsində nümayiş olunan “Oğul” sənədli filmində Natiq Qasımovun hekayəsindən bəhs edilir. Hadisə şahidi Enriko Sensi dindirilməsini xatırlayır. Filmin müəllifləri itkin düşən Natiq Qasımovun qohumları və dostları ilə də söhbət ediblər.


Filmin rejissoru Karan Sinq öz izinə düşmək üçün Azərbaycan, İtaliya, Rusiya və Ermənistana səfər edib. O, erməni separatçılarının nəzarətində olan o vaxtkı işğal olunmuş Dağlıq Qarabağ torpaqlarına da gedib. Natiq Qasımovun anası rejissorla söhbətində itkin düşməsindən 30 il keçməsinə baxmayaraq hələ də onu gözlədiyini və sağ olduğuna inandığını etiraf edib.


“Park Cinema” kinoteatrlar şəbəkəsi qeyd edib ki, biletlərin satışından əldə edilən bütün vəsait Azərbaycan Prezidenti İlham Əliyevin 8 dekabr 2020-ci il tarixli sərəncamı ilə yaradılmış YAŞAT fonduna daxil olacaq. Fondun əsas məqsədi hərbi əməliyyatlar nəticəsində zərər çəkmiş şəhid ailələrinin və əlillərin sosial müdafiəsi sahəsində dövlət tərəfindən həyata keçirilən vətəndaş cəmiyyəti təşəbbüslərinin həyata keçirilməsi çərçivəsində tədbirlər görməkdən ibarətdir.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]