Türkiyədəki azərbaycanlı uşaqlarının təhsil alması istiqamətində addımlar atılır - VİDEO

Türkiyədəki azərbaycanlı uşaqlarının təhsil alması istiqamətində addımlar atılır - VİDEO

Türkiyədə sənədsiz və qeydiyyatsız yaşayan soydaşlarımızın övladlarının təhsil alması məsələsi dövlətimizin diqqət mərkəzindədir.

Azərbaycanlı uşaqların təhsil alması və attestatla təmin edilməsi məqsədilə sosial layihə əsasında Türkiyədə məktəblər fəaliyyət göstərir. Bu məktəblərdən biri Heydər Əliyev adına Azərbaycan məktəbi, digəri isə Mübariz İbrahimov adına Azərbaycan məktəbidir. Bu məktəblərdə 8 illik təhsil alan yeniyetmələrimizin savadsızlıq problemi aradan qaldırılır, həmçinin onların Azərbaycanda təhsillərini davam etdirə və attestat ala bilməsi imkanı yaranır.

Diasporla İş üzrə Dövlət Komitəsi həmin məktəblərin fəaliyyətinə dəstək göstərir və azərbaycanlı uşaqların təhsil alması və problemlərinin həlli istiqamətində önəmli addımlar atır.

Bu yaxınlarda Komitənin internet televiziyası olan Diaspor TV-nin “Vətən uzaqda deyil” proqramının çəkiliş qrupu hər iki məktəbdə olub. Proqramda məktəblərin problemlərinə, texniki imkanlarına aydınlıq gətirilib, müəllim-şagird heyətinin təhsil imkanlarının genişləndirilməsi ilə əlaqədar istək, arzu və təklifləri səsləndirilib.

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]