Şəhriyar Məmmədyarov Qran-Prinin qrup mərhələsinin finişində Daniil Dubovla qarşılaşacaq -İNTİQAM təqdim edir (AZpress.AZ)

Şəhriyar Məmmədyarov Qran-Prinin qrup mərhələsinin finişində Daniil Dubovla qarşılaşacaq -İNTİQAM təqdim edir (AZpress.AZ)

Şəhriyar Məmmədyarov Qran-Prinin qrup mərhələsinin finişində Daniil Dubovla qarşılaşacaq -İNTİQAM təqdim edir (AZpress.AZ)

 

Azərbaycan şahmatçısı Şəhriyar Məmmədyarov da daxil olmaqla 16 zəka sahibinin 4 qrupda mübarizə apardığı FİDE Qran-Prisinin 3-cü mərhələsində bu gün 6-cı turun partiyaları ilə qrup oyunlarına yekun vurulacaq. Qran-Prinin B qrupunda yer alan və dünən baş tutan 5-ci turda amerikalı Lenyer Dominqeslə sülh bağlayan həmyerlimiz bu gün keçiriləcək son tur çərçivəsində FİDE təmsilçisi Daniil Dubovla qarşılaşacaq.

 

Xatırladaq ki, geridə qalan 5 turdan sonra Məmmədyarov onunla eyni xal (3 xal) ehtiyatına malik olan ABŞ təmsilçisi Lenyer Dominqeslə qrupa şərikli liderlik edir. Reqlamentə görə qrup mərhələsini birinci pillədə başa vuran şahmatçılar mübarizəni 1/2 finaldan davam etdirəcəklər. Odur ki, son tur Məmmədyarov üçün həlledici olacaq. O, qrupda birinci yeri tuta bilməsə, onda FİDE Qran-Prisinin ikinci mərhələsində olduğu kimi, yenə də mübarizəni vaxtından əvvəl dayandırmalı olacaq.

 

Qeyd: FİDE Qran-Prisi 3 mərhələdən ibarət olur. Ümumilikdə 3 mərhələdə 24 şahmatçı mübarizə aparır. Hər bir şahmatçı isə 3 mərhələdən yalnız ikisində iştirak edə bilir. Hər mərhələdə isə 16 şahmatçı mübarizə aparır. Sonda yekun nəticəyə görə ilk iki yeri tutan şahmatçı iddiaçılar turnirinə vəsiqə qazanmış olacaq.

 

6-cı turda aşağıdakı cütlər qarşılaşacaq:

Şəhriyar Məmmədyarov - Daniil Dubov

Vinsent Keymer (Almaniya) - Lenyer Dominqes

B qrupunda 5 turdan sonra vəziyyət belədir. Məmmədyarov, Dominqes - hərəyə 3 xal, Keymer -2,5 xal, Dubov - 1,5 xal.

İNTİQAM Məmmədov

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]