Azərbaycan İlahiyyat İnstitutunun kollektivi Quba Soyqırımı Memorial Kompleksini ziyarət edib - FOTO

Azərbaycan İlahiyyat İnstitutunun kollektivi Quba Soyqırımı Memorial Kompleksini ziyarət edib - FOTO

Azərbaycan  İlahiyyat  İnstitutunun (Aİİ)  bir qrup əməkdaşı və  tələbə heyəti 31 Mart – Azərbaycanlıların Soyqırımı Günü ilə əlaqədar Quba rayonuna səfər edib.


İnstitutun heyəti öncə şəhərin mərkəzində ümummilli lider Heydər Əliyevin abidəsi önünə gül dəstələri düzərək, xatirəsini ehtiramla yad ediblər.


İnstitut heyəti Quba Şəhidlər Xiyabanında ölkəmizin müstəqilliyi və ərazi bütövlüyünün təmin olunması uğrunda canlarını fəda etmiş şəhidlərin xatirəsini ehtiramla yad edib, ruhlarına dualar oxuyub, məzarları üzərinə gül dəstələri düzüb.


Daha sonra İnstitutun kollektivi Quba Soyqırımı Memorial Kompleksini ziyarət edib, abidə önünə gül dəstələri düzüblər. Azərbaycan tarixinə XX əsrin ən dəhşətli soyqırımlarından biri kimi daxil olan faciə zamanı bolşevik-erməni silahlı dəstələri Bakı, Quba, Şamaxı, Göyçay, Cavad, Salyan, Qarabağ, Zəngəzur, Naxçıvan, Lənkəran, Gəncə və digər bölgələrdə kütləvi qətliamlar törədib, mindən artıq kənd yandırılıb və dağıdılıb.


Aİİ-nin kollektivi səfər çərçivəsində Qubada fəaliyyət göstərən “Cümə məscidi” və “Ərdəbil” məscidlərini ziyarət ediblər.


Daha sonra İnstitut kollektivi Qubada yerləşən “Qırmızı qəsəbə”də olub. “Giləki” sinaqoqu ilə yaxından tanış olublar. Aİİ heyətinə yəhudilərin adıçəkilən qəsəbədə, həmçinin Azərbaycanda məskunlaşması tarixi, ölkəmizdəki multikultural mühit və tolerantlıq ənənələri haqqında ətraflı məlumat verilib.
 

Məlumat üçün bildiririk ki, Aİİ-nin bölgələrimizə təşkil etdiyi səfərlərin məqsədi tələbələrdə vətənpərvərlik ruhunun gücləndirilməsinə, milli ruhda yetişməsinə töhfələr vermək, onların dünyagörüşlərinin zənginləşdirilməsi, ölkəmizdə mövcud olan multikultural durum və tolerant mühit ilə tanış etməkdir.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]