Atatürk Mədəniyyət Mərkəzində azərbaycanlı rəssamın "Qarabağın irsi" adlı fərdi rəsm sərgisi açılıb

Atatürk Mədəniyyət Mərkəzində azərbaycanlı rəssamın "Qarabağın irsi" adlı fərdi rəsm sərgisi açılıb

İstanbulun Atatürk Mədəniyyət Mərkəzində azərbaycanlı rəssam Nigar Helmi Abbasbəylinin Azərbaycan xalqının tarixi qələbəsinə həsr olunmuş “Qarabağın irsi” adlı fərdi rəsm sərgisi açılıb.


Sərginin açılış mərasiminə Türkiyənin Mədəniyyət və Turizm nazirinin müavini Özgül Özkan Yavuz və Azərbaycanın İstanbuldakı Baş konsulu Nərminə Mustafayeva da iştirak ediblər.


Mərasimdə çıxış edən nazir müavini “Əsərlərdəki rəng zənginliyi və rəssamımızın işıqdan istifadə tərzi  orada çiçəklənən ümidi və güclü bir mədəniyyətin ölməzliyini bizə hiss etdirir. Bu sərgidəki rəsmlər Qarabağda çiçəklənən ümidi göstərir. Biz birik, bir yerdəyik, hər zaman Azərbaycanın yanındayıq. Bü günə qədər olduğu kimi bundan sonra da iki ölkə arasında mədəni fəaliyyətlərimizi daha da artırmaq əzmindəyik. Bu sərginin bütün azərbaycanlı sənətçilərə ilham mənbəyi olmasını diləyirəm.”, - deyib.


Abbasbəylinin bütün kolleksiyasının ilk dəfə İstanbulda sərgilənməsindən məmnun olduğunu bildirən Azərbaycanın  İstanbuldakı Baş konsulu Nərminə Mustafayeva isə "Bu rəsmlər Azərbaycan və Qarabağ üçün çox vacib simvollardır. Bildiyiniz kimi Qarabağ və Şuşa bizim baş tacımızdır, mədəniyyətimizin beşidiyidir. Şuşanı geri almağımız bizim üçün böyük qələbədir. Bu sərgi qələbəmizə həsr olunub. Nigar Helmi Abbasbəylinin zəfərimizə həsr etdiyi bu sərgi bizim üçün çox qiymətlidir. Qarabağ torpağı yenidən canlanacaq və görəcəksiniz ki, bu ən gözəl və inkişaf etmiş bölgələrdən biri olacaq. Türkiyə bu prosesdə hər zaman bizim yanımızda olub. Fürsətdən istifadə edərək buradan cənab Rəcəb Tayyib Ərdoğana təşəkkürlərimizi bildiririk.”, - deyə qeyd edib.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]