Biologiya fakültəsinin tələbələri istehsalat təcrübəsində +FOTO=5

Biologiya fakültəsinin tələbələri istehsalat təcrübəsində +FOTO=5

Biologiya fakültəsinin tələbələri istehsalat təcrübəsində 

 

Bakı Dövlət Universitetinin (BDU) Biologiya fakültəsinin “Su bioehtiyatları və akvabitkilər” ixtisası üzrə təhsil alan IV kurs tələbələri və II kurs magistrantları Neftçala rayonunun Xıllı qəsəbəsində “Xıllı-Balıq MMC” balıqçılıq təsərrüfatında, Yevlax rayonunun Varvara kəndində “Varvara-Balıq ASC” nərəbalıqyetişdirmə təsərrüfatında və Lənkəran rayonu ərazisində (Liman şəhəri) “Kiçik Qızılağac balıqartırma təsərrüfatı”nda istehsalat təcrübəsi keçiblər.

 

Təcrübə zamanı tələbələr balıqçılıq təsərrüfatlarının quruluşu, istehsalat prosesində istifadə olunan avadanlıq və qurğular, balıqartırma prosesinin biotexnoloji mərhələləri ilə tanış olublar. Azərbaycanın qiymətli vətəgə balıqlarından olan nərələrin süni artırılması prosesini, burada tətbiq olunan yeni texnoloji metodları əyani şəkildə izləyiblər. Azərbaycanda ilk dəfə tətbiq edilən, temperatur rejimi idarə olunan qapalı su təchizatı sistemində mayalanmış kürülərin inkubasiya prosesi, istehsalatın müxtəlif mərhələlərində itkilərin aradan qaldırılması üsulları, sürfə və körpələrin “hovuz üsulu” ilə yetişdirilməsi, həmçinin onların canlı və qarışıq yemlərlə yemləndirilməsi texnologiyaları ilə tanış olublar.

 

Tələbələr təcrübə zamanı təsərrüfatlarda formalaşdırılmış müxtəlif növ nərələrin törədici fondu, onların yetişdirilməsi texnologiyaları, onlardan balıqartırma və əmtəə məqsədilə istifadə qaydaları ilə tanış olublar.


 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]