Azərbaycanla Qazaxıstan arasında turizm əlaqələri müzakirə olunub

Azərbaycanla Qazaxıstan arasında turizm əlaqələri müzakirə olunub

“Qazaxıstan Mərkəzi Asiya ölkələri arasında Azərbaycan turizm bazarı üçün prioritet istiqamətlərdən biridir və biz əlaqələrimizi daha da genişləndirməkdə maraqlıyıq”.


Bu fikirləri Dövlət Turizm Agentliyinin sədri Fuad Nağıyev mayın 23-də Qazaxıstan Respublikasının Mədəniyyət və idman nazirinin müavini Yerjan Yerkinbayev ilə görüşündə qeyd edib.


Görüş çərçivəsində Fuad Nağıyev ölkədə tədricən turizmin bərpa olunduğunu, yeni turizm məhsullarının və marşrutlarının yaradıldığını, ötən ay Almatıda keçirilən “Qazaxıstan Beynəlxalq Turizm və Səyahət” - “KİTF 2022” sərgisində Azərbaycanın turizm imkanlarının geniş tanıdıldığını diqqətə çatdırıb.


Agentlik sədri 44 günlük Vətən müharibəsində işğaldan azad olununan torpaqlarda yeni turizm məhsullarının yaradılması üzərində layihələrin hazırlandığını, beynəlxalq sərgilərdə Qarabağın turizm potensialının təbliğ edildiyini bildirib.


Görüş zamanı Qazaxıstan Respublikasının Mədəniyyət və idman nazirinin müavini Yerjan Yerkinbayev iki qardaş ölkə arasında turizm əlaqələrinin daha genişləndirilməsində, aviauçuşların və qarşılıqlı turist səfərlərinin sayının artırılmasında maraqlı olduqlarını vurğulayıb.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]