DTA sədri İƏT-in Baş katibi Hissein Brahim Taha ilə görüşüb

DTA sədri İƏT-in Baş katibi Hissein Brahim Taha ilə görüşüb

İyunun 27-də İslam Əməkdaşlığı Təşkilatının Turizm Nazirlərinin 11-ci konfransı çərçivəsində Dövlət Turizm Agentliyinin sədri Fuad Nağıyev təşkilatın Baş katibi Hissein Brahim Taha ilə görüşüb.


Görüşdə Fuad Nağıyev İƏT Turizm Nazirlərinin 11-ci konfransına ev sahibliyi etməkdən məmnunluq duyduğunu qeyd edərək təşkilati dəstəyə görə İƏT Katibliyinə təşəkkürünü bildirib.


Agentlik sədri Baş katibə Ali Baş Komandanın rəhbərliyi ilə qazanılan qələbədən sonra Qarabağda aparılan quruculuq işləri və azad edilmiş torpaqların turizm potensialı haqqında məlumat verərək cənab Hissein Brahim Tahanı Şuşaya dəvət edib.


Həmçinin Fuad Nağıyev Azərbaycanın İslam Əməkdaşlıq Təşkilatı ilə əlaqələrin inkişafına önəm verdiyini, artıq İƏT ölkələrinin turizm nazirlərinin 2 görüşünün Azərbaycanda keçirildiyini diqqətə çatdırıb.


Öz növbəsində Baş katib göstərilən yüksək qonaqpərvərliyə görə Azərbaycan tərəfinə minnətdarlığını bildirib və iyunun 28-də keçiriləcək nazirlər toplantısının üzv ölkələr arasında turizm əlaqələrinin daha da genişlənəcəyinə töhfə verəcəyinə inamını ifadə edib.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]