Yellow Man ... O, musiqinin rəngləri ilə hisslər və emosiyalar yaradan insandır (+FOTO=7, +VİDEO)

Yellow Man ... O, musiqinin rəngləri ilə hisslər və emosiyalar yaradan insandır (+FOTO=7, +VİDEO)

Yellow Man ... O, musiqinin rəngləri ilə hisslər və emosiyalar yaradan insandır 

 

Albom ideyasının meydana çıxması eyniadlı musiqi əsərimin – “Yellow Man”in yazılmasından sonra ortaya çıxıb. Məhz o an albom üzərində işləməyi qərarlaşdırmışdım.

 

Bu əsərimin adı meşədə gəzintidə olarkən ağlıma gəldi. Hər birimiz elə emosiyalar yaşayırıq ki, heç onların fərqinə də varmırıq. Sanki sürətlə gedən qatarda oturub pəncərədən ətrafı seyr etməyi çatdıra bilmirik. Çalışın hər çiçəyə, ağaca, daşa, insana nəzər yetirəsiniz. Bütün bu anlar, hisslər həyatımızı və onun haqqında olan təsəvvürlərimizi formalaşdırır. Bizim bütün diqqətimiz həyatın təlaşına yönəlməməlidir, bu həyatda axı o qədər gözəlliklər var ... sadəcə bütün bunlara diqqət etmək lazımdır, hər şey bizi əhatə edib.

 

Albomun səsyazması onun konsepsiyası ilə sıx bağlı idi. Royalın səsi yeddi mikrofonla qeydə alındı. Onlardan altısı alətin içərisində fərqli mövqələrdən, biri isə royalın altında quraşdırılmışdı. Bunun səbəbi isə dinləyicinin özünü royalın içərisində hiss etməsi, alətin fəzasını duyması, simlərin titrəşimlərini, alətin xammalını, dillərin və mexanizmin, pedalların səslərini eşitməsini təmin etmək idi. Bütün bu səslər musiqinin tərkib hissəsinə çevrilib: dinləyicinin diqqəti təkcə melodiyada deyil, eləcə də digər səslərə də köklənir. Məsələn, konsert zallarında dinləyicilər bundan məhrumdur, onlar yalnız olduqları məkanın səslərini eşidirlər.

 

Praqada yaşayan azərbaycanlı rəssam Heyran Mustafa-zadə “The Yellow Man” albomunun üz qapağının hazırlanması prosesi ilə bağlı təəssüratlarını bölüşüb: “Ramin mənə növbəti kompozisiyasından hissə göndərəndə, ağlımda ideya yarandı ki, Raminin musiqi ilə əks etdirdiyini mən vizual təsvir edim. Bu fikrimi onunla da paylaşdım. Bir müddət sonra Ramin yazdı ki, albom hazırlayacaq, adını da düşünüb, mənsə qalan kompozisiyaları dinləyim. “Yellow Man”ın kətan üzərindəki işi nə qədər davam etdi, dəqiq deyə bilmərəm. Əsas vaxtım isə özümü o əhvala kökləməyim və niyə məhz sarı, niyə mavi yaxud qırmızı adam olmadığını anlamaq cəhdlərimlə keçdi. Cəhdim rəngin xüsusiyyətinin necə ötürüldüyünü başa düşmək idi. Bu cəhət nə ümumi xarakterdə, nə də fərdi yanaşmada deyil, əksinə, bütünlüklə ümumi, absrakt və güclü ekspressiyada idi. Bu konkret bir insanın portreti deyil, onun sehrli axınında üzən və həll olan dinləyicinin, musiqinin özünün portretidir.

 

Alboma keçid: https://lnk.to/THEYELLOWMAN Dinləməkdən həzz alın…

 

Bəstəkar haqqında: Ramin Kuliev Çexiyada fəaliyyət göstərən azərbaycanlı bəstəkardır. 2018-ci ildən Yanaçek adına Musiqi və ifaçılıq sənətləri akademiyasının layihələri çərçivəsində onun elektron, kamera və orkestr əsərləri Niderland və Çexiyada səslənir. Kuliev festivallar üçün treylərlər, animasiya filmləri və teatr pyesləri üçün musiqi bəstələyir. Bəstəkar eləcə də Animafilm studiyasının münsif heyətində iştirak edir. 2020-ci ildə Ramin Kuliev debut “Dream” albomunu buraxıb. “The Yellow man” bəstəkarın ikinci albomudur, hal-hazırda bəstəkar üçüncü albomu üzərində işləyir.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]