"PAŞA Bank"ın İdarə Heyəti tam tərkibdə formalaşmışdır

"PAŞA Bank"ın İdarə Heyəti tam tərkibdə formalaşmışdır

21 iyul tarixində Azərbaycanın aparıcı korporativ maliyyə institutu “PAŞA Bank”ın İdarə Heyəti tam tərkibdə formalaşmışdır.


Belə ki, Bankın Müşahidə Şurasının qərarına əsasən, Bankın İdarə Heyətinin üzvü, Baş maliyyə inzibatçısı Bəhruz Nağıyev Bankın İdarə Heyəti sədrinin müavini təyin edilib. Bəhruz Nağıyev yeni təyinatında satış və biznes innovasiyaları istiqamətlərinə rəhbərlik edəcəkdir.


Eyni zamanda “PAŞA Holding” MMC-nin Qrup üzrə Maliyyə və İT Departamentinin direktoru Murad Süleymanov PAŞA Bankın İdarə Heyətinin üzvü, Baş maliyyə inzibatçısı təyin edilib.


Xatırladaq ki, Bəhruz Nağıyev PAŞA Bank komandasına Xəzinədarlığa nəzarət üzrə mütəxəssis qismində 2011-ci ildə qoşulmuşdur, 2013-cü ildə isə o, Menecment İnformasiya sistemi və Büdcə funksiyası üzrə eksperti vəzifəsinə təyin edilmişdir. 2014-cü ildə cənab Nağıyev Xəzinədarlıq və Kapital bazarlar departamentinin direktoru təyin edilmişdir. 29 mart 2018-ci ildə cənab Nağıyev Baş maliyyə İnzibatçısı və İdarə Heyətinin Üzvü təyin edilmişdir.


Murad Süleymanov əmək fəaliyyətinə 2008-ci ildən “EY” şirkətinin Azərbaycan nümayəndəliyində başlayıb və burada audit mütəxəssisi, audit eksperti və baş ekspert vəzifələrində çalışıb. 2011-ci ildə Murad Süleymanov “PAŞA Sığorta” şirkətində Maliyyə departamentinin direktor müavini və 2013-cü ildən direktor vəzifəsinə təyin edilmişdir. 2015-ci ilin noyabr ayından isə M. Süleymanov şirkətinin İdarə Heyətinin üzvü vəzifəsinə təyin edilmişdir.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]