Leto AMOR-2017 yay əhvalatları fotomüsabiqəsinin qalibləri elan olunub. -

“Leto AMOR-2017” yay əhvalatları fotomüsabiqəsinin qalibləri elan olunub.

Rusiyanın Azərbaycanlı Gənclər Birliyi (RAGB) “Leto AMOR-2017” müsabiqəsinin qaliblərinin adlarını açıqlayıb. Müsabiqə hər il RAGB-ın sədri Leyla Əliyevanın təşəbbüsü ilə keçirilir.

Bu il müsabiqəyə 200-dən çox fotoiş təqdim edilib. “Leto AMOR-2017” müsabiqəsinin qaydalarına görə, iştirakçılar fotoişlərini “İnstaqram” sosial şəbəkəsinin səhifələrində yerləşdirərək onlara yay əhvalatı barədə kiçik hekayə əlavə etməli idilər. Müsabiqənin finalı Moskvanın nüfuzlu “LOOKIN ROOMS” klubunda keçirilib.

“Ekologiya – “Yaşıl planet – Yaşıl ev” nominasiyasında Sankt-Peterburqdan tələbə Elvira Əzimova ən yaxşı fotoqrafiyanın müəllifi hesab olunub. “Turizm – “Turistlərin gözü ilə” nominasiyasında birinci yeri Sevda Süleymanova tutub. Fidan Nəbiyevanın fotoişi “Mənzərələr – “Ucsuz-bucaqsız Vətənim” nominasiyasında ən yaxşı iş sayılıb. “Tarixi yerlər – “Göz oxşayan, yaddaşda iz qoyan” nominasiyasında birinci yerə Şahin Əliyev layiq görülüb. Qaliblərə fəxri diplomlar, habelə qiymətli mükafatlar verilib. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !