Akademik Vaqif Fərzəliyev Tbilisi şəhərində ezamiyyətdə olub - (+FOTOLAR)

Akademik Vaqif Fərzəliyev Tbilisi şəhərində ezamiyyətdə olub (+FOTOLAR)

AMEA akad. Əli Quliyev adına Aşqarlar Kimyası İnstitutunun direktoru, akademik Vaqif Fərzəliyev fevral ayının 6-dan 10-a kimi İvan Cavaxaşvili adına Tbilisi Dövlət Universitetinin (TDU) 100 illik yubileyində iştirak etmək məqsədilə Tbilisi şəhərində ezamiyyətdə olub. Yubileyə akademik Vaqif Fərzəliyev TDU-nun rektoru, Dr.Georgi Şarvaşidze tərəfindən dəvət olunub.
Yubiley iştirakçılarına Gürcüstanın Prezidenti Giorgi Marqvelaşvili, Baş naziri Giorgi Kvirikaşvili, parlament sədri David Usupaşvili, Tbilisi şəhərinin meri Kaxa Kaladze və TDU-nun rektoru, Dr.Georgi Şarvaşidze ziyafət verib.
Tədbirdə akademik Vaqif Fərzəliyev Azərbaycan Milli Elmlər Akademiyası və Azərbaycanın elmi ictimaiyyəti adından TDU-nun kollektivini yubileylə əlaqədar təbrik edib, xatirə kitabına xoş sözlər yazıb.
Qeyd edək ki, tanınmış tarxiçi İvan Cavaxaşvilinin təşəbbüsü ilə 1918-ci ildə yaradılmış TDU Cənubi Qafqazda aparıcı təhsil və elm mərkəzlərindən biridir.

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !