AMEA Botanika İnstitutu Yaponiya ilə elmi əlaqələri genişləndirib - (+FOTOLAR)

AMEA Botanika İnstitutu Yaponiya ilə elmi əlaqələri genişləndirib (+FOTOLAR)

Yaponiyanın Mie Universitetinin “Bitki patologiyası” laboratoriyasının professoru Susumu Takamatsu AMEA Botanika İnstitutunda ezamiyyətdə olub. İnstitutunun direktoru, akademik Validə Əlizadə və Mikologiya laboratoriyasının müdiri, AMEA-nın professoru, b.ü.e.d. Dilzarə Ağayevanın iştirakı ilə keçən görüşdə qonağa İnstitutun həyata keçirdiyi layihələr və elmi tədqiqat işləri haqqında məlumat verilib. Mikologiya sahəsi üzrə müştərək tədqiqatların aparılması və elmi əməkdaşlıq əlaqələrinin genişləndirilməsi imkanları müzakirə olunub. Qonaq İnstitutda fəaliyyət göstərən laboratoriyaları, mikroskop otağını, Herbari fondunu və Botanika Muzeyini də ziyarət edib.

Həmçinin, yaponiyalı alimin iştirakı ilə Quba rayonunun meşələrində yayılmış Unlu şeh göbələklərini müşahidə etmək məqsədilə müştərək ekspedisiya həyata keçirilib.

Səfər müddətində AMEA-nın Botanika, Mərkəzi Nəbatat Bağı, Molekulyar Biologiya və Biotexnologiyalar və Mikrobiologiya institutlarının əməkdaşlarının iştirakı ilə Dr. S. Takamatsunun təqdimatında elmi seminar təşkil olunub. Seminarda yaponiyalı alimin “Mikroaləmdə niyə heyrətamiz qeometriyalar yaranmışdır? Unlu şeh göbələklərinin təkamülü və taksonomiyası” mövsuzunda məruzəsi dinlənilib. Alim məruzəsində Unlu şeh göbələklərinin Yer kürəsində ilk dəfə yaranma tarixi, keçdiyi təkamül yolu, sahib aralığı və coğrafi yayılmasına dair suallara aydınlıq gətirib. Mövzu ətrafında geniş müzakirələr aparılıb. 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !