Qadın və kişi voleybolçular arasında keçşirilən Azərbaycan çempionatlarının yüksək liqasında növbəti turun oyunların təqvimi açıqlanıb. Azərbaycan Voleybol Federasiyasından verilən məlumata görə, fevralın 9-da qadınlar, 10-da isə kişilər ikinci dövrənin son turu olan 6-ıcı turun oyunlarını keçirəcəklər.

Qadın voleybolçular arasında Azərbaycan Yüksək Liqasında 6-cı tura “Abşeron” - “Murov” komandaları qarşılşaması ilə start veriləcək. Turun mərkəzi oyunu məhz bu qarşılaşma olacaq. Qeyd edək ki, hər iki komanda meydana qələbə istəyi ilə çıxacaq. 5-ci turda "Azərreyl"i (çempionatın vahid lideri) məğlub edən "Abşeron" bu turu da qələbə ilə başa vuraraq, yarış cədvəlində ikinci pilləyə çıxmaq istəyəcək. Hazırda ikinci olan "Murov" isə mövqeyini itirməmək üçün qüvvəsini ortaya qoyacaq. Bu görüş saat 16:00-da başlanacaq. Saat 18:00-da start götürəcək ikinci matçda isə UNEC və “Azərreyl” klubları üz-üzə gələcəklər. "Azərreyl"in autsayderlə qarşılaşmadan qalib ayılacağına şübhə yeri toxdur.

Kişi voleybolçuların yarışına gəlincə, turun mərkəzi oyunu yarış cədvəlinə başçılıq edən "Murov"la onun ən yaxın təqibçisi olan "Xarı-bülbül" arasında olacaq (saat 18:00). Turun ilk oyunu isə saat 16:00-da MOİK-lə “Neftçi” arasında olacaq. Oyunlar Voleybol Mərkəzində təşkil olunacaq.

Qadınların turnir cədvəli belədir: Аzərreyl – 11 xal (set fərqi 12-6), Мurov - 10 (12-7), Аbşeron - 9 (10-6), UNEC – 0 (0-15).

Kişilərin turnir cədvəli: Мurov – 14 xal (set fərqi 15-4), Xarı-bülbül – 9 (10-7), Neftçi – 6 (8-10), МОiК – 1 (3-15).

İNTİQAM Məmmədov