10 boksçumuz isə adını yarımfinala yazdırıb

Rumıniyanın Arad şəhərində gənc və yeniyetmə boksçular arasında beynəlxalq turnir davam edir. Azərbaycan Boks Federasiyasından verilən məlumata görə turnirin 3-cü günü 14 təmsilçimiz ribqə çıxıb ki, onlardan da 4-ü yarımfinalı da uğurla keçərək finala yüksəlib. 10 nəfər isə 1\4 finaldan 1\2-ə keçib.  Qeyd edək ki, finala çıxan boksçularımızın hamısı yeniyetmələr yığmasının üzvüdür. Yarımfinala yüksələnləırdən isə 4-ü gənc, 6-sı isə yeniyetmədir. 

Finala yüksələn yeniyetmə boksçularımızdan Elbrus Kərimli (54 kq) yarımfinalda  Angelos Karaitisi (Yunanıstan) – 5:0 (29:28, 30:27, 30:27, 30:27, 30:27), Kənan Aslanlı (63 kq)  Narkis Maqdalinini (Rumıniya) – 5:0 (29:28, 29:28, 29:27, 30:26, 30:27) hesabla məğlub edib. Tərlan Əhmədovun (63 kq) Nikola Neaksa (Rumıniya) döyüşə gəlmədiyi üçün rinqdə qalib elan edilib və finala döyüşsüz keçib. Daha bir finalçımız İlkin Məmmədli (+80 kq) isə İonut Butoi (Rumıniya) üzərində elə 1-ci raunddaca tam üstünlüklə qalib gəlib.

Yeniyetmələrin yarışında yarımfinala yüksələn boksçularımıza gəlincə, bu sırada Rüstəm Neymətov (66 kq), Vaqif Hacıyev (57 kq), Orucəli Cavadzadə (57 kq), İbrahim Mirhəsən (60 kq), Bilalhəbəşi Nəzərov (46 kq) və Əli Baxışov (46 kq) yer alıb. 

Gənclər arasında yarımfinala yüksələn boksçularımız Aslan Quliyev (63,5 kq), Məhəmmədəli Qasımzadə (57 kq), Ömər Aslanlı (54 kq) və İlfan Xəlillidir (80 kq), Qeyd edək ki, sonuncunun rəqibi Angelo Teodoesku (Rumıniya) zədələndiyi üçün həkim döyüşü saxlayıb və boksçumuz qalib gəlib. 

Qeyd edək ki, 25 ölkədən 361 boksçunun qatıldığı yarışa fevralın 27-də yekun vurulacaq.

İNTİQAM Məmmədov