Azərbaycan yığması isə Top-6-da yer alıb

Beynəlxalq Şahmat Federasiyası (FİDE) dünya şahmatçılarının yeni reytinq cədvəlini elan edib. Martın 1-ə olan cədvəldə kişi şahmatçılarımızdan 3-ü, zəiflərimizdənsə 5-i Top-100-də yer ala bilib. Kişi şahmatçılaımızdan Teymur Rəcəbov (2747) daha bir pillə irəliləməklə yenidən Top-10-a dönüb. Yığmamızın daha bir lideri Şəhriyar Məmmədyarovsa (2738) əvvəlki kimi yenə də 15-ci pillədə qalıb. Top-100-də yer alan dgər kişi şahmatçımız Qədir Hüseynovsa (2661) 83-cü pillədəki mövqeyini özündə saxlayıb. Kişi şahmatçıların ilk üçlüyündə isə yenə də norveçli dünya çempionu Maqnus Karlsen (2852), Yan Nepomniyaşiy (Rusiya, 2795) və Çin təmsilçisi Dinq Lijen (2788) yer alıb. 

Qadın şahmatçılarımıza gəlincə, burada yenə də ən yaxşı nəticə Günay Məmmdəzadəyə (2472) məxsusdur. Bununla belə şahmatçımız 2 pillə geriləməklə 20-ci olub. Ülviyyə Fətəliyeva (2427) əvvəlki kimi 42-ci, Gövhər Beydullayeva (2372) 61-ci,  Xanım Balacayeva (2388) 70-ci, Gülnar Məmməıdovasa (2358) 88-ci yerdə qərarlaşıb. Qadınların reytinq cədvəlinəd isə ilk üçlüyü müvafiq olaraq, Xou İfan (Çin, 2628), Xampi Koneru (Hindistan, 2576) və rusiyalı Aleksandra Qoyaçkina (2576) tutur.

Komandalaın reytinq cədvəlinə gəlincə, yalnız Hindistan (2692), Rusiya (2688), Çin (2684) və Ukraynadan (2660) geri qalamqla 6-cı pillədə qərarlaşan Azərbaycan Fransa (2641), Ermənistan (2636), İspaniya (2631) və Hollandiyanı (2629) geridə qoyur. 

İNTİQAM Məmmədov