“FIRST Robotics Competition” (FRC) müsabiqəsində bu il ilk dəfə olaraq Azərbaycan da iştirak edir. Azərbaycanı təmsil edən komanda ilk qatılanlar arasında birinci yeri qazanıb. Qurulmuş robot dizaynı və komanda oyununa görə tarixində ilk dəfə ölkəmiz çempionlar liqasına dəvət aldı. Müsabiqə aprelin 19-21-də  Hyustonda davam edəcək. Bütün bu uğurlara baxmayaraq, dünyanın ən güclü ölkələrindən biri olan Amerikada ilk dəfə Azercell dəstək versə də, hazırda müəyyən çatışmazlıqlar yarandığı üçün komanda iştirakçıları ilə bərabər valideynlər də maddi baxımdan çətinliklə üzləşiblər. On illərdir yarışma davam etsə də, ölkəmiz ilk dəfə qoşulması ilə uğurlar əldə etdi. Hyustonda keçiriləcək Çempionlar Liqasında Azərbaycanı təmsil edən iştirakçılar üçün komandaya mənəvi dəstəklə bərabər, maddi dəstək də (sponsor) gərəkdir. Dİgər ölkələrdən olan yarışma iştirakçılarının müsabiqə zamanı texniki iştirak üşün xüsusi elektrik aparatları belə olsa da, ölkəmizi təmsil edən komandamız isə bütün bunları öz əlləri ilə mühərrik olmadan robotları açıb yığaraq etdi. Azərbaycanın adını yüksəklərə ucaldan, himnimizi zirvələrdə səsləndirən komandamızın müraciətinə ümid edirik, dəstək verən tapılacaq...

X.İsmayıl