Gecə smartfonu şarj etmək olarmı?

Gecə saatlarında enerjinin doldurulması səbəbindən batareyanın həddindən artıq yüklənməsi sadəcə bir mifdir. Düzdür, telefonunuzu bir gecədə şarjda saxlamaq batareyanın ömrünü qısaldar, lakin yanğın təhlükəsinə səbəb olmaz.

“Telefonlar həddindən artıq yüklənməmək üçün kifayət qədər ağıllıdır. İçəridə olan əlavə təhlükəsizlik çipləri bunun planşet, telefon və hətta noutbukda baş verməməsini təmin edir”, - mütəxəssis bildirib. 

Onun sözlərinə görə, smartfonu gecə yatağın yanında qoymaq olar, lakin qadcetə hər hansı əşya qoymaq məsləhət görülmür. Həmçinin telefonunuzu yastığınızın altına qoymayın. "Əgər siz bu tələbləri pozarsanız, o zaman smartfon öz-özünə alovlanmaq üçün kifayət qədər deyil, batareyanı zədələmək üçün kifayət qədər istiləşəcək" deyib Griffit. Qriffitin fikrincə, batareya ilə bağlı problemlərin qarşısını almaq üçün smartfonu soyuducuda saxlamaq zərurəti də axmaq bir mifdir. 

Belə ki, bu yaxınlarda OnePlus 8 Pro smartfonu ilə video yayımlanıb: smartfon gözləmə rejimində olarkən istifadə olunmayan və enerji doldurulmayan zaman partlayıb.

Bu ilin yanvarında Ohayo ştatında evlərin birində bütün ailə yatarkən, şarjda olan iPhone 4 yanıb. Mətbəxdə quraşdırılmış kamera yanğının başlayandan az sonra necə söndüyünü qeyd edib. Xoşbəxtlikdən heç kim xəsarət almayıb. Hindistanda isə Redmi Note 5 Pro smartfonunun partlaması nəticəsində 8 yaşlı qız ölüb.