Osman Gündüz: 

SOCAR pulları texnologiyalara yatırır

SOCAR-ın yatırımlar siyahısında ciddi keyfiyyət dəyişikliyi baş verib.

Cari ildən etibarən 1500-dən çox şirkətə investisiya yatıran SOCAR-ın ən çox yatırım etdiyi TOP-5 şirkət içərisində “Apple Inc”, "Microsoft”, “Google”, "Amazon” və "NVIDIA” kimi qlobal İT şirkətlər əsas yer tutur.

SOCAR ötən illə müqayisədə qlobal texnoloji şirkətlərə yatırımları 2 dəfədən çox artırıb, hazırda bu yatırımlar 1 mlrd. 472 mln. dollar təşkil edir.

Yeri gəlmişkən, xatırladıram ki, SOCAR hazırda həm quruda və dənizdə, həm də yerli, regional və qlobal olmaqla çoxsaylı qurumları və resursları özündə birləşdirən, alternativlər üzərində "oturan" nəhəng bir İT və telekommunikasiya infrastrukturuna sahibdir.

SOCAR Azərbaycanda iki böyük texnoloji infrastruktura da, İnformasiya Texnologiyaları və Rabitə İdarəsi və Caspian İnnovation Center qurumlarına, həmçinin yeni Data Mərkəzə sahibdir.

Xatırladıram ki, iki il olar ki, SOCAR-a yeni şəxs rəhbərlik edir.

Bir müddətdir ki, quruma rəhbərlik üçün İqtisadiyyat naziri Mikayıl Cabbarovun sədrliyi ilə Müşahidə Şurası yaradılıb.

3 il olar ki, SOCAR “Azərbaycan İnvestisiya Holdinqi”nin idarəçiliyinə verilib.

Düşünmək olar ki, yeni rəhbərlik SOCAR-da rəqəmsal transformasiya siyasətinə və investisiya portfelinə ciddi dəyişikliklər edib.

ŞƏRHLƏRDƏN: 

Jamal Ismayilov:

SOCAR sözün həqiqi mənasında İT layihələrində özləri üçün bir "dünya" yaratmışdılar. Heç bir şəffaflıq yox idi. Layihələri vitse-prezidentə (vitse-prezidentlərə) yaxın şirkətə verirdilər. Doğrudan da yeni rəhbər gələndən sonra çox az irəliləyiş olmuşdu. Mən əminəm ki, yeni vitse-prezidentlər orada şəffaflığı təmin edən qayda-qanun yaradacaqlar. Onlara uğurlar diləyirəm.