O, 2,1 milyon dollar mükafat qazanıb

Melburunda (Avstraliya) tennis üzrə keçirilən və "Böyük Dəbilqə" seriyasının  yeni mövsümdə ilk turniri olan "Australian Open-2023"ün qadınlar yarışına yekun vurulub. Turnirin finalında belaruslu raketka ustası Arina Sobolenko və qazaxıstanlı Yelena Rıbakin qarşılaşıb. Qarşılaşma birincinin qələbəsi ilə başa çatıb - 4:6, 6:3, 6:4. Qeyd edək ki, bu Sobolenkonun "Böyük Dəbilqə"də ilk finalı və ilk qələbəsi olub. Bu qələbə sayəsində 2,1 milyon ABŞ dolları qazanan belaruslu tennisçi, həm də dünya reytinq cədvəlində 2-ci pilləyə yüksəlib. Sobolenko karyerasında qazandığı pul mükafatını 14,4 milyon dollara çatdıqıb. 

Ondan fərqli olaraq, iki dəfə yalnız finalçı olmaqla kifayətlənən Rıbakina isə bu turnirdə 1,2 milyon dollar qazanmçala məbləği 7,6 milyona çatdırıb.

Yeri gəlmişkən, sabah isə adıçəklən turnirdə kişilərin final qarşılaşması olacaq. Həmin finalda isə serbiyalı raketka ustası Novak Cokoviçlə yunanıstanlı Stefanoc Tsitsipas qarşılaşacaq. Finalı udan tennisçi reytinq cədvəlində birinci pilləyə yüksəlməklə dünyanın bir nömrəli kişi raketka ustasına çevriləcək. Xatırladaq ki, bu rəqiblər arasında indiyədək keçirilən görüşlərin nəticəsi Cokoviçin xeyrinədir - 10:2. 

İNTİQAM Məmmədov