Lənkəran-Astara regionu üzrə 70 təhsil müəssisəsində təmir-tikinti işləri 

Masallının 13 təhsil müəssisəsində təmir-tikinti işləri aparılır  

Lənkəran-Astara Regional Təhsil İdarəsi üzrə bir sıra təhsil müəssisələrində tikinti, əsaslı təmir və cari təmir işləri davam edir. 

İdarədən verilən məlumatda bildirilir ki, müvafiq olaraq Astara rayonu üzrə 6, Cəlilabad rayonu üzrə 22, Lerik rayonu üzrə 11, Lənkəran rayonu üzrə 15, Masallı rayonu üzrə 13 və Yardımlı rayonu üzrə 3 olmaqla, ümumilikdə 70 təhsil müəssisəsində təmir-tikinti işləri həyata keçirilir. 

Masallı rayonunda 96 yerlik 1 yeni modul tipli (Sarıcəfərli kənd ümumi orta məktəbi), 11 cari təmir (Masallı şəhər 5 saylı, Qızılağac 2 saylı, Şərəfə, Sərçuvar, Qəriblər, Tüklə kənd tam orta məktəbləri, Təzə Alvadı kənd uşaq başçası və s.) və 180 yerlik 1 yeni məktəb binasının (Qəzvinoba kənd ümumi orta məktəbi) tikintisi işləri davam edir.

Qeyd edək ki, Lənkəran-Astara Regional Təhsil İdarəsi üzrə yeni modul tipli  məktəbləri siyahısına Astara rayonunda Diqo kənd ibtidai məktəbi, Cəlilabad rayonunda Vənlik kənd ümumi orta, Söyüdlü kənd ibtidai, Sarxanlı kənd ümumi orta, Moranlı kənd ümumi orta, Əsədli kənd tam orta, Həsənli kənd ümumi orta məktəbləri, Lerik rayonunda Anburdərə kənd ümumi orta, Buruq kənd ümumi orta, Kəlvəz kənd tam orta, Osyodərə kənd ibtidai məktəbləri, Masallı rayonunda Sarıcəfərli kənd ümumi orta məktəbi, Yardımlı rayonunda Cerinbel kənd tam orta məktəbi,  əsaslı təmir və yeni məktəb  binaları siyahısına isə Lənkəran şəhər M.Bağırov adına 1 nömrəli tam orta məktəbi, Lənkəran rayonu Mamusta kənd M.Fərzullayev adına tam orta məktəbi, Cəlilabad rayonunda Sabirabad kənd 2 nömrəli və Sərhədabad kənd tam orta məktəbləri, Masallı rayonu Qəzvinoba kənd ümumi orta məktəbi daxildir.

Bundan əlavə Astarada 4, Lerikdə 6, Cəlilabadda 7, Lənkəranda 10, Masallıda 10, Yardımlıda 2 təhsil müəssisəsində cari təmir işlərinin görülməsi nəzərdə tutulub.

Akif  AĞAYEV