Saatlı rayonunda “Axısxa türkləri - Azərbaycanın sosial və mədəni həyatında rolu” adlı tədbir keçirildi

Məlumat üçün bildiririk ki, 20 sentyabr 2023-cü il tarixdə Saatlı Gənclər evində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, “Gənclərə Qayğı” İctimai Birliyinin təşkilatçılığı, “Gənclərin Töhfəsi” İctimai Birliyi və “Azərbaycan-Türkiyə Qida Təhlükəsizliyi” İctimai Birliyinin tərəfdaşlığı ilə “Axısxa Türkləri – Azərbaycanın sosial və mədəni həyatında rolu” adlı layihə çərçivəsində tədbir keçirildi.
Tədbir ərazi bütövlüyümüz uğrunda canlarından keçən oğullarımızın xatirəsini bir dəqiqə sükutla yad edilərək başlandı və dövlət himni səsləndi.
Tədbiri girişi sözü ilə layihə eksperti, “Azərbaycan-Türkiyə Qida Təhlükəsizliyi” İctimai Birliyinin sədri Məhsəti Hüseynova açıq elan edərək, layihənin məqsədi və Axısxa Türkləriin cəmiyyətimizin həyatında oynadığı rol barədə geniş məlumat verdi. O, bildirdi ki, layihənin məqsədi – Axısxa türklərinin Azərbaycanın sosial və mədəni həyatından oynadığı rolu və Azərbaycan cəmiyyətinə verdiyi töhfələri təbliğ etmək, birlik və bərabərliyimizi möhkəmləndirməkdən ibarətdir. Layihə çərçivəsində Saatlı rayonunda “Axısxa Türklərinin mətbəx kültürü”, “Axısxa türklərinin adət-ənənələri”, “Axısxa türklərinin tarixi Vətənlərinə qayıdış prossesi” mövzularında məruzlər ediləcəyi, Axısxa türklərinin milli geyimlərinin, milli mətbəxinin sərgilənməsi barədə məlumat verdi.
Layihə rəhbəri, Dünya Alpaqut Federasiyasının vitse-prezidenti Emil Rəhimov Axısxa Türklərinin Azərbaycanın mədəni həyatında oynadığı rolu və 44 günlük Vətən müharibəsi zamanı mübarizlik yolu barədə geniş məlumat verdi.
“Gənclərin Töhfəsi” İctimai Birliyinin sədri Asim Vəliyev layihə çərçivəsində hazırlanmış “Axısxa Türkləri – Azərbaycanın sosial və mədəni həyatında oynadığı rolu” adlı kitabça barədə məlumat verdi və Axısxa Türklərinin tarixinin, milli dəyərlərinin qorunması üçün gənc nəsil arasında maarifləndirmə işinin önəmini vurğuladı.
Daha sonra Saatlı rayon Mədəniyyət Mərkəzinin direktoru Bəylər Əliyev Saatlı rayonunda məskunlaşmış Axısxa türklərinin adət-ənənələri, mətbəx kültürü barədə məlumat verdi.
Saatlı rayon Nəsimi kənd tam orta məktəbinin direktor müavini Əli Bayraqdarov Axısxa türklərinin tarixi və Vətənlərinə qayıdış prossesi mövzularında geniş məlumat verdi.
Axısxa Türkləri “Adıgün” folklor kollektivinin məsul işçisi Şahbazov Bayram Axısxalıların milli rəqs qrupunun iştirak etdiyi beynəlxalq yarışlardan və Azərbaycanı layiqilə təmsil etməsindən bəhs etdi.
Axısxa Türklərinin ağsaqqalı Osman Aslanov Vətənə dönüş prossesində gənclərin üzərinə düşən vəzifələri barədə tövsiyələr verdi.
Tədbirdən sonra layihə çərçivəsində təşkil olunan Axısxa Türklərinin sürgügünü, həyat tərzini, mətbəx kültürünü, milli dəyərlərini əks etdirən fotolardan ibarət sərgi qonaqlar tərəfindən ziyarət olundu. Həmçinin Axısxa mətbəx kültürünün nümunələrindən olan “Katmer”, “Mantı”, “Bazlama”, “Xaçapur” və bir sıra milli yeməklər sərgiləndi və qonaqlara təqdim olundu. Bütün iştirakçılara “Axısxa Türkləri – Azərbaycanın sosial və mədəni həyatında rolu” adlı kitabça paylanıldı.