Güləş

---------

Hər iki finalimiz gümüşlə nəticələnib

Serbiyanın paytaxtı Belqradda idman güləşi üzrə keçirilən və Paris Olimpiadasina lisenziya qazandiran dünya çempionatına dünən yunan-Roma güləşində mübarizə aparan son üç çəki dərəcəsinin final görüşləri ilə yekun vurulub. Qeyd edək üç finaldan ikisi Azərbaycan təmsilçilərinin iştirakı ilə baş tutub. Təəssüflər olsun ki, hər iki finalcimiz son həlledici görüşdə məqlibiyyətlə üzləşib və mundialın gümüş medali ilə kifayətlənib. Belə ki, 63 kq-da Murad Məmmədov gürcüstanlı Leri Abuladzeylə (2:2), 67kq-da güləsən finalcimiz Həsrət Cəfərov isə Kuba güləşçisi Luis Sanceslə bacarmayıb 3:4.

87 kq-da çıxış edən Azərbaycan təmsilçisi İslam Abbasov isə təsəlliverici görüşdə Qirqixistan güləşçisi Azat Salidinovu (5:1) və rusiyalı Kirill Maskevici (6:1) ustələsə də, bürünc uğrunda görüşdə bolqarıstanlı Semen Novikovla (3:6) sonra isə lisenziya uqrunda qazaxıstanlı Nursultan Tursunovla bacarmayıb - 0:8.

Bununla da Yunan-Roma güləşi üzrə yığma komandamız 5 (2-3-0) medal, iki lisenziya və 120 xalla mundialda komanda hesabında birinci yeri tutub. Bu Yunan-Roma güləşi üzrə yığmamızın tarixində ilki olub. Klassiklərimiz bir neçə dəfə dünya ikincisi olsa da birinci olmamışdı. Qadın yiqmamiz isə DC-2009-da dünya birincisi olmuşdu. DC-2023-də Azərbaycan komandasından sonrakı iki yeri isa İran (102 xal) və Türkiyə (93 xal) tutub. 

İNTİQAM Məmmədov